ISAIA OKILA
OKILA
Yisu marudang noklangzüng putu tibuba tesadang meta, Yirusalem nung alir ainkar tulu ka tenüng nung Isaiai kaket ya zülu. Iba kaket ya tongtibang shilem asem küma lemsatsü akok.
Tapu 1–39 ya Yihuda yimli dang tashi tuluba kin ka Asiria yimli-i Yihuda amokmerenba mapang ka nung atalok. Ibai Yihuda kidongi Tsüngrem dang tashi mangaba nungi dang masü saka parnok temenen aser Tsüngrem dak tamang makatetba ajanga atalok ta Isaiai ashi. Temeshiba taküm, ochishia aliba aser Tsüngrem dang tashi angatsübaji parnok teinyaktsü shilem lir ta Isaiaibo sayu. Aji oda mesüra parnok dangi Tsüngremer temerenshiji aser teraksatsübaji arutsü. Ano Isaiai tarutsü mapang nung alima ajaki Dawid dak jakzükba shiba dang “Tetemsü Chuba” ta ajatsü akok ibaji arutsü ta shin.
Tapu 40–55 yagi Yihuda nübur aika teimla makai tajemrepba tia nung Babilon tepuokdak aliba indang jembir. Tsüngremi pei nüburji tanaben talenba nungi salar Yirusalemi anir aruba ajanga taküm tasen ka tenzüktsü indang ainkar jagi shin. Iba shilem nung nükjidong tongtibang kaji Tsüngremji alima kintem otsü madak Kibur, aser pa sentong nung Israel ajanga alima kin ajak moatsütsübaji pa tekümtet sentong nung tenyabaji lir. Ano Tejen Laishiba nung Kibubar Kilir ta asüba kenji iba shilem nung angutsü.
Tapu 56–66 yagi nüburtem Yirusalemi meyipa arur, Tsüngremi pa tenangzükbatem akangshiba mapang indang jembir. Idaki talisa temeshiba aser ochi, amungnü meshiteta amungtsü, tarongba tenlatem aser sarasadem indang tesayuba angutsü. Yisui Nazaret nülaksong (Luk. 4.16,19) indang jembiba o ya 61.1-2 nung agiteta jembiba lir.
Keta Alibatem
Tekümdangtsü aser Tenangzükbatem 1.1―12.6
Kintem Merenshiba 13.1―23.18
Tsüngremi Alima Obendangba 24.1―27.13
Tarutsü Tekümdangtsü aser Tenangzükbatem 28.1―35.10
Yihuda Chuba Hezekia aser Asiria Nunger 36.1―39.8
Tenangzükba aser Teimlatsü Osangtem 40.1―55.13
Tekümdangtsü aser Tenangzükbatem 56.1―66.24
Currently Selected:
ISAIA OKILA: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.