ISAIA 6
6
Isaia Ajaba
1 #
2 Ch. 15.7; 2 Pu. 26.23 Uzzia chuba asüba küm nung chuba menden nung mener, azüklen ajungketa, tamaren sobutsü agi tenla ki sünga ni Kibuba angu. 2Pa temalen serafim noktak; ka ka shia tashikang trokrok liasü; ana agi pai pei tejak nembang, ana agi pai pei tetsüng nembang, aser ana agi yimzü. 3#Jad. 4.8 Kati ka dang ayimtentepa ashi, “Temeshi, Temeshi, Temeshi, Temeranger Telok Kibuba; Pa sentsüwangshi agi alima ajak sünga lir.” 4#Jad. 15.8 Aser ayimtenba ola jagi kimung azüngdakji anokshi, aser mokozü agi kiji asüng. 5Idangji ni ashi, “Ni aiatai! Kechiyong ni makaka; kechiaser ni temeli memerükba nisung, aser ni temeli memerükba nübur rongnung alir; kechiyong kü tenük agi, Chuba, Temeranger Telok Kibuba nguogo.”
6Idangji tenladak nungi mijepru agi mijang tait ka agiteta bener serafim rongnung ka kü dangi yima aru; 7aser iba jagi kü bang nung kongshia ashi, “Ajiang iba yagi ne bang nung kongshiogo, aser ne taitemenen bener ogo, aser ne temenen tokogo.” 8Aser Kibuba ola agi shia ni angashi, “Ni shiba yoktsü, aser asenok asoshi shiba aotsü?” Idangji ni ashi, “Ni yangi lir! Ni yokangma.” 9#Mat. 13.14,15; Mar. 4.12; Luk. 8.10; Yoh. 12.40; TMa. 28.26,27 Anungji pai ashi, “Oang, aser iba nübur dang shiang, ‘Atangji nenoki angashir, saka mangateter, nenoki atangji angur, saka memeteter. 10Parnok tenük agi ngua, parnok tenarong agi angashia, parnok temulungjang agi angateta, aser tanaben meyipa, anebadoka lir ta, iba nübur mulungjang shimaka, parnok tenarong anüa, aser parnok tenük nembanga kümdakjang.’ ” 11Idangji ni ashi, “Kibuba kopiga?” Idangji pai langzü, “Yimtitem nung nisung meli-i maküm tashi, aser kidang nisung meli-i maküm tashi, aser linük meshimeshia mejentoktsü tashi, 12aser Kibubai nisung talang kati magiendaktsü tashi, aser linük tiyong nung tesem aika jentoka meyutsü tashi. 13Item rongnung tersü nung ka danga iba nung anünga, sülemdong aser terebint süngdong lensükba tembang ama liaka, aji tanaben rongtoktsü.”
Yamaji temeshi kinji iba tembang lir.
Currently Selected:
ISAIA 6: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
