ISAIA 4
4
1Iba anogo nungji tetsür teneti tebur ka dak soter ashitsü, “Onoki pei chiyungtsü achitsü, aser pei süoshi abentsü, ne tenüng agi danga onok nem jadakjang; onok maksü endokdakjangma.”
Tesülen Zion Tia Yanglushitsü
2Iba anogo nungji Kibuba kongsang tobur tajung aser sentsüwangshi alitsü, aser alima süngjanglijang, anünga aliba Israel pur asoshi mera keta tobur junga alitsü. 3Shirnok Zion nung anünga ali aser Yirusalem nung tokja lir, oda Yirusalem nung taküm tepiyong alitsüba pur dena, temeshi ta ajatsü. 4Kodang Kibubai obendangba tanela aser tesamatsüba tanela agi Zion jalatem temenen shitoktsüdir, aser iba rongnungi Yirusalem zü jenlokba aidoktsüdir, 5#Ani. 13.21; 24.16 idangji Kibubai Zion tenem talidak ajonga madak aser adenshia alir madak, anüngdang mepet aser mokozü aser aonung sentsüprang milak yanglutsü; kechiyong sentsüwangshi ajak madak takümbangba ka alitsü. 6Aser anüngdang talem nung akhüm asoshi takümbangtsü ka aser yipru aser tzünglu nungi jenokdak ka aser tetongbangtsü ka alitsü.
Currently Selected:
ISAIA 4: AONAGABSI
Highlight
Share
Copy
Want to have your highlights saved across all your devices? Sign up or sign in
Ao Naga C.L. Bible
© Bible Society of India, 2004.
Used by permission. All rights reserved worldwide.
