Popular Bible Verses from Ciyubunuzyo 11

Share

Lino angelo wamusanu ababili wakalizya mweembo, elyo kwakali majwi mapati mujulu, aati, Bwami bwaansi bwaba bwa-Mwami wesu abwaKristo wakwe, nkabela uyooendelezya lyoonse mane kukabe kutamani

Bamasi boonse bakalinyemede, Pele sunu bwasika bukali bwako. Casika ciindi cakubetekwa kwabafu, Aciindi cakulumbula bazike bako basinsimi, Abasalali aboonse bayoowa izina lyako, nibaba baniini nibaba bapati, Acakubanyonyoona abo banyonyoona nyika.

Lino bakamboni bangu bobile njoobapa inguzu zyakusinsima mazuba aali cuulu amyaanda yobile amakumi aali musanu alimwi, nkabela banooyoosamide cisani camasaka.

Elyo naakainda mazuba otatwe acisela, muuya wabuumi uuzwa kuli-Leza wakanjila mulimbabo, bakaimikila amaulu aabo, nkabela kwakaba kuyoowa kupati kulimbabo ibakababona.

Aba mbibajisi inguzu zyakusinka julu kuti imvula itawi mazuba oonse aakusinsima kwabo, alimwi bali anguzu zyakusandula maanzi kuti abe bulowa, akuuma nyika amapenzi oonse kufumbwa ciindi ncibayanda.

Aba ngimasamu obile aaolifa, alimwi nzezibikilo zyobile zyamalampi ziimvwi kunembo lya-Mwami wanyika. Na kuti kuli muntu uuyanda kubacisa, kulazwa mulilo mumilomo yabo akubaumpa basinkondonyina. Na kuti kuli muntu uuyanda kubacisa, mbuboobo mbweelede kujayigwa.