Popular Bible Verses from Ciyubunuzyo 12

Share

Lino bakamuzunda kubulowa bwa-Mwanambelele akujwi lyabumboni bwabo, nkabela buumi bwabo teebakali kubuyandisya pe, bakazumina nikuba kufwa.

Mpoonya awo ndakaswiilila ijwi ipati mujulu, lyakati, Sunu kwasika lufutuko, anguzu, abwami bwa-Leza wesu, abwami bwa-Kristo wakwe, nkaambo sikubejelezya bakwesu twaambo wawisigwa ansi, nguwe wakali kubabejelezya kuli-Leza wesu lyoonse isikati amasiku.

Lino Simwaaba mupati wakawisigwa ansi, nguwenya muzoka waciindi, uutegwa Diabolosi a-Saatani, nguuena bantu boonse baansi. Wakawisigwa ansi, abalo baangelo bakwe bakawisigwa awe

Nkaambo kaako amusekelele nomajulu, anywebo nomukala mulingao, Pele nywebo nonsi alwizi, muli mumapenzi, ikuti Diabolosi wamuselukila abukali bupati, nkaambo ulizi kuti ciindi ncacijisi nciniini buyo.

Lino kwakali inkondo mujulu. Mikayeli abaangelo bakwe bakalwanisya Simwaaba, alakwe Simwaaba wakalwa, abaangelo bakwe

Elyo Simwaaba wakanyemena mwanakazi, wakainka kuyoobalwanya bana bakwe basyaala babamba milazyo ya-Leza akujata bumboni bwa-Jesu Kristo

Lino kwakaboneka cigambyo cipati mujulu. Kakuli mwanakazi iwakasamide izuba, wakalijisi mweezi kunsi amaulu aakwe, alimwi amutwe wakwe wakali amusini wanyenyeezi zili ikumi azibili. Oyo mwanakazi wakalimisi, nkabela wakalila kukusunga, wakaciswa loko mukutumbuka.

Elyo wakatumbuka mwana mulombe, nguwenya uyoolela masi oonse amusako walubulo, nkabela oyo mwanaakwe wakatolwa kujulu kuli-Leza akucuuno cakwe. Mpoonya awo mwanakazi wakacijila kunkanda, nkwajisi busena mbwaakamubambila Leza, kuti bamusanine oko mazuba aali cuulu amyaanda yobile amakumi aali musanu alimwi.

Mpawo kwakaboneka acimwi cigambyo mujulu. Kwakalibonya Simwaaba mupati uusalalisya mbuli mulilo, wakalijisi mitwe iili musanu aibili ameja aali ikumi, alimwi amitwe yakwe wakali amisini iili musanu aibili. Nkabela mucila wakwe wakakwela cipanzi catatu canyenyeezi zyakujulu, wakaziwisya ansi. Lino Simwaaba oyo wakaima kunembo lyamwanakazi iwakali kwaamba kutumbuka, kuti atumbuka alye mwanaakwe.

Lino mwanakazi wakapegwa mababa obile aamusika mupati kuti auluke munkanda kubusena bwakwe nkwakaleledwe ciindi comwe aziindi zyobile acisela, cakusiswa kubusyu bwamuzoka. Mpawo kumulomo wakwe muzoka wakaselulila mwanakazi maanzi mbuli izambangulwe, kuti mwanakazi akatolwe ndilyo. Pele inyika yakagwasya mwanakazi, yakajula mulomo wayo, yakamena izambangulwe Simwaaba ndyaakaselula kumulomo wakwe.