Ciyubunuzyo 11
11
Bakamboni bobile mbubakajayigwa akubuka
1 #
Ezk 40:3; Zek 2:1-2; 2 Kor 6:16 Lino ndakapegwa itete lili mbuli musako, ndakaambilwa kuti, Buka, ueleke intempele ya-Leza, acipaililo, abaabo bakomba mumo, 2#Lk 21:24; Is 63:18; Lk 21:24; Int 79:1; Dan 8:10; Ciy 12:6,14; 13:5Pele lubuwa luli anze lyantempele amulusie, mutalweeleki, nkaambo lwapegwa bamasi, nkabela munzi mulemu bayooulyataula kumaulu aabo myeezi iili makumi one aibili. 3Lino bakamboni bangu bobile njoobapa inguzu zyakusinsima mazuba aali cuulu amyaanda yobile amakumi aali musanu alimwi, nkabela banooyoosamide cisani camasaka. 4#Zek 4:3,11-14Aba ngimasamu obile aaolifa, alimwi nzezibikilo zyobile zyamalampi ziimvwi kunembo lya-Mwami wanyika. 5#2 Bam 1:10; 2 Sam 22:9; Jer 5:14Na kuti kuli muntu uuyanda kubacisa, kulazwa mulilo mumilomo yabo akubaumpa basinkondonyina. Na kuti kuli muntu uuyanda kubacisa, mbuboobo mbweelede kujayigwa. 6#1 Bam 17:1; Kul 7:17-19,20; 1 Sam 4:8Aba mbibajisi inguzu zyakusinka julu kuti imvula itawi mazuba oonse aakusinsima kwabo, alimwi bali anguzu zyakusandula maanzi kuti abe bulowa, akuuma nyika amapenzi oonse kufumbwa ciindi ncibayanda. 7#Dan 7:3,7,21; Ciy 13:1,5-7; 17:8Lino bamane buyo bukamboni bwabo, cinyama cizwa mumulindi uutagoli ciyoobalwanisya akubazunda akubajaya. 8#Is 1:9-10; Lk 13:34Nkabela mitunta yabo iyoolala mumigwagwa yamunzi oyo mupati uupedwe aya mazina aasisidwe, Sodoma a-Egepita, nkukonya nkwaakabambidwe mwami, wesu. 9Lino bantu bazwa kumikowa yoonse akumisyobo yoonse akumyaambo yoonse akumasi oonse bayoobona mitunta yabo mazuba otatwe acisela, pele tabakooyoozumina kuti mitunta yabo izikwe mutubanda, 10#Int 105:38Lino abo bakala ansi bayookondwa akusekelela akupana zipego, nkaambo aba basinsimi bobile bakali kubapenzya bantu bakala ansi. 11#Ezk 37:5,10; Matl 15:12Elyo naakainda mazuba otatwe acisela, muuya wabuumi uuzwa kuli-Leza wakanjila mulimbabo, bakaimikila amaulu aabo, nkabela kwakaba kuyoowa kupati kulimbabo ibakababona. 12#2 Bam 2:11Lino bakaswiilila ijwi ipati lizwa kujulu, lyakabaambila kuti, Amutante okuno. Mpawo bakatanta kujulu mukumbi, abalo basinkondonyina bakababona. 13#Ciy 6:12; 16:18; Ezk 38:19,20; Dan 2:19Lino kuciindi eco ndeonya kwakaba muzuzumo mupati wanyika, wakawisya cipanzi cakumi camunzi, nkabela mumuzuzumo oyo kwakajayigwa bantu bali zyuulu zili musanu azibili, elyo bantu ibakasyaala bakaliyoowede, bakalemeka Leza wakujulu.
14 #
Ciy 9:12; 12:12 Ipenzi lyabili lyamana, lino amubone, ipenzi lyatatu liyoofwambaana kusika.
Mweembo wamusanu aibili mbuwakalila
15 #
Kul 15:18; Dan 2:44; 7:14,27; Zek 14:9; Ob 1:21; Int 2:2; 10:16; 22:28 Lino angelo wamusanu ababili wakalizya mweembo, elyo kwakali majwi mapati mujulu, aati, Bwami bwaansi bwaba bwa-Mwami wesu abwaKristo wakwe, nkabela uyooendelezya lyoonse mane kukabe kutamani, 16#Ciy 4:4,10; 7:11Mpoonya awo bapati bali makumi obile abane ibakakede azyuuno zyabo kunembo lya-Leza bakawida ansi, bakavundama, bakamukomba Leza. 17#Kul 3:14; Is 41:4; Ciy 4:8; 18:8Bakati,
Twakulumba, O Mwami Leza Singuzuzyoonse, Uuliko, lwakaliko, Uuyoobako,
Nkaambo walibwezela inguzu zyako impati kuti uendelezye.
18 #
Int 2:1,5,12; 46:6; 99:1; 110:5; 115:13; Ciy 15:1; Rom 2:5; Am 3:7; Zek 1:6; Dan 9:6,10 Bamasi boonse bakalinyemede,
Pele sunu bwasika bukali bwako.
Casika ciindi cakubetekwa kwabafu,
Aciindi cakulumbula bazike bako basinsimi,
Abasalali aboonse bayoowa izina lyako, nibaba baniini nibaba bapati,
Acakubanyonyoona abo banyonyoona nyika.
19 #
Ciy 4:5; 8:5; 15:5; 16:18,21; 1 Bam 8:1,6; 2 Mak 5:7; Kul 9:24; 19:16 Lino intempele ya-Leza yakajulwa mujulu, nkabela kwakaboneka muntempele yakwe areka wamulongo wakwe, elyo kwakali indabo amajwi amizumo amuzuzumo wanyika acivulamabwe cipati.
Currently Selected:
Ciyubunuzyo 11: Ibbaib63
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
The Bible in Tonga (Zambia) © United Bible Societies, 1963.