Popular Bible Verses from Ciyubunuzyo 10

Share

Pele mumazuba aajwi lyaangelo wamusanu ababili, nayooamba kulizya mweembo, elyo ayoomana makani aasisidwe aa-Leza, mbuli mbwaakaambila bazike bakwe basinsimi

Lino ndakaambilwa kuti, Uleelede kusinsima alimwi kumisyobo minji akuzisi zinji akumyaambo minji akubami banji.

Lino ndakabona angelo umbi singuzu uuza buseluka kuzwa kujulu. Wakalisamide ikumbi, kwakali fulicoongo kumutwe wakwe, busyu bwakwe bwakali mbuli izuba, amaulu aakwe akali mbuli misemu yamulilo.

Mpawo ndakaswenenena angelo, ndakamwaambila kuti, Ndipa kabuku aka, Wakati, Bweza, ukalye koonse, lino kayookuluzya mwida, pele mukanwa lyako kalalwela mbuli buci. Lino ndakabweza kabuku mujanza lyaangelo, ndakalya koonse, nkabela mukanwa lyangu kakalwela mbuli buci, pele nindakamana kukalya, mwida lyangu mwakalula.