Popular Bible Verses from Ciyubunuzyo 9

Share

Lino kwakasyaala bamwi bantu ibatakajayigwa azipenzyo ezi, nekubaboobo teebakeempwa kumilimo yamaanza aabo, teebakaleka kukomba badaimona azibumbe zyangolida azyansiliva azyamukuba azyamabwe azyazisamu, zitakonzya kubona nikuba kweenda nikuba kumvwa, alimwi teebakeempwa kubujayi bwabo nikuba kubulozi bwabo nikuba kumamambi aabo nikuba kububbi bwabo.

Elyo kubusi kwakazwa cikwikwi, cakeenda ansi, cakapegwa inguzu mbubonya mbuli inguzu zyatubanze nzitujisi ansi. Lino eco cikwikwi cakalaililwa kuti citanoobisizyi bwizu bwaansi, niciba cintu cimwi citete, nuuba musamu uuli buti, pele abo bantu balike batajisi citondezyo ca-Leza cigwalidwe kunkumu zyabo.

Lino angelo wasanu naakalizya mweembo, ndakabona inyenyeezi iiwide ansi kuzwa kujulu, nkabela wakapegwa cijaluzyo camulindi uutagoli

Teecakazumizigwa kubajaya, pele kubapenzya-penzya buyo myeezi yosanwe, nkabela kupenzyapenzya kwaco kwakali mbuli kupenzya-penzya kwakabanze nokaluma muntu.

Alimwi cilijisi mwami waco, ngu-angelo wamulindi uutagoli, izina lyakwe muci-Hebrayo ngu-Abadoni, pele muci-Helene nguApoliyoni.