Popular Bible Verses from ROMANOS 5

Share

Ërei Tumpa oechauka ma iporoaɨu yandekotɨ vae, yepe tëi yande ko jae iyoa vae reta, ërei Cristo omano yanderé.

Jare jókuae ñaäro yayerovia reve vae, ngaraa yandembotavɨ. Echa Tumpa iporoaɨu oime ma yandepɨa Espíritu Santo oñemee yandeve vae rupi.

Jare mbaetɨ kuaeño, yayerovia vi yaiporara yave. Echa yaikuaa kërai yaiporara vae rupi, ñanoi mbɨaguasu; jare yandepɨaguasu yave, yaikuaa ñanepɨ̈rata ma ko vae. Jare yaikuaa yave ñanepɨ̈rata ma, ñaäro yayerovia reve.

Tumpa yandembojupi yandeporogüɨrovia vae rupi, ñanoi ma mbɨakatu jae ndive, yandeYa Jesucristo rupi; jare yandeporogüɨrovia rupi, yaike ma Tumpa ipɨakavi pe Jesucristo rupi; pɨpe ñanepɨ̈rata ma ñaï jare yayerovia reve ñaäro Tumpa iyemboetea.

Echa yande yandepuereä etei yayemboasa vaerä iara pe etei, Cristo omano iyoa vae reta re.

Vɨtei pa yayembojupi ma Jesucristo jugüɨ rupi yave, jae rupi yaasayepeta Tumpa iyarasɨ güi.

Metei kuimbae mbaetɨ oyapo Tumpa jei vae jeko pegua, opaete vae iyoa ma. Jökoraiño vi metei kuimbae oyapo Tumpa jei vae jeko pegua, Tumpa ombojupita jeta vae.

Jare mbaetɨ kuaeño, yayerovia vi Tumpa re yandeYa Jesucristo rupi, echa Cristo rupi yamboresive yembopɨakatu.