Popular Bible Verses from ROMANOS 4

Share

Ërei güɨrovia Tumpa iporogüɨrökuavee re, oñemomɨ̈rata jare omboete Tumpa. Echa jae oikuaa katu Tumpa imbaepuere yae ko oyapo vaerä opaete jae güɨrökuavee vae.

Echa oyekuatía oï körai: “Che roñono ma jeta vae reta turä.” Jae Tumpa, Abraham güɨrovia jese vae, tekove omee omanogüe reta pe vae, oyapo mbaembae ndeiño oyeapo vae.

echa jae oñemee omano vaerä yandeyoa reta re jare oikove ye yandembojupi vaerä.

Abraham oäro ñaäro rapembae vae, ërei Tumpa re güɨrovia jeko pegua, ou opɨta jeta vae reta turä, echa Tumpa jei chupe körai: “Jökoraita ko neñemuña reta.”

Jáeramo, morogüɨrökuavee oyeapo Abraham pe jare opaete iñemuña reta pe vae Tumpa ipɨakavi rupi ko mborogüɨrovia re, kuae mbaetɨ opaete mborookuai rupi yogüɨreko vae reta peguaño, oporogüɨrovia Abraham rami vae reta peguarä vi ko, echa jökorai jae ou opɨta yanderu rami.

echa jei: “Oyerovia ko jókuae iyoa reta re Tumpa iñɨ̈ro chupe vae reta. Jare iyoa reta oyemboai oï vae reta. Oyerovia kuimbae, Tumpa mbaetɨ omboeko mbaeyoa re vae.”

Echa Tumpa Iñee pe oyekuatía oï körai: “Abraham güɨrovia Tumpa re, jókuae iporogüɨrovia rupi omae jese jupi.”