Popular Bible Verses from ROMANOS 6

Share

Echa mbaeyoa jekovia ko mano. Ërei Tumpa omee mbota yandeve vae ko tekove opambae vae yandeYa Cristo Jesús re.

Jökorai mbaeyoa ngaraa ma güɨnoi mbaepuere peré. Echa mbaetɨ peï mborookuai igüɨ pe, peï ma ko Tumpa ipɨakavi igüɨ pe.

Echa bautismo rupi, ñañeotɨuka Cristo ndive imano pe, jare Cristo oikove ye omanogüe reta ipɨte güi Tumpa imbaepuere pe rami, jökorai vi yande yaikove tekove ipɨau vae pe.

agüɨye ave vi pemee perete mbaeyoa jembiporurä ikavimbae vae peguarä. Ërei peñemee pe etei Tumpa pe, omanogüe tekove ipɨau vae güɨnoi vae rami, jare pemee perete Tumpa jembiporurä jupi vae peguarä.

yaikuaa kërai yandereko indechigüe oyekutu kurusu re Cristo ndive, oyemboai vaerä mbaeyoa yanderete re oï vae, agüɨye vaerä mo jekuaeño yaiko mbaeyoa jeia re.

Jaeramiño vi pe reta, perovia vi pemano ma ko mbaeyoa güi, ërei peikove ko Tumpa peguarä yandeYa Cristo Jesús rupi.

¿Mbae pa yaeta? ¿Jeieteñota pa yayapo mbaeyoa, Tumpa ipɨakavi yae vaerä? ¡Mbaetɨ ko! Echa yande ñamano ma mbaeyoa güi vae, ¿këraita pa jekuaeño yaiko mbaeyoa pe?

¿Mbaetɨ pa peikuaa peñemee yave kia jembiokuairä, jókuae ipo pe ko peï vae? Jökorai ko mbaeyoa ipo peï, mano peguarä ani Tumpa jei vae re peï yave, peyembojupi vaerä.

Ërei yasoropai Tumpa pe, echa yepe tëi peikose mbaeyoa jei vae rupi, ërei peyapo ma Tumpa jei vae, jókuae yemboe pemboresive vae rupi; jare peyeyora ma mbaeyoa güi, peyeapo ma mbaejupi jembiokuairä.