Popular Bible Verses from LUKAS 4

Share

“Un Berua Tuhan neng akeʹ. Lepa ne ia nedanaʹ akeʹ, cuk akeʹ badaʹ Denga Tiga palaʹ dulu diaʹ taru mudip. Ngan pekina pe cuk akeʹ nai badaʹ denga nakau dulu diaʹ salut, ngan mesik mata diaʹ butaʹ, ngan sau dulu diaʹ ban pencit, ngan badaʹ ca awang iaʹ tiga, ukoʹ dulu nai alaʹ udip dalem Tuhan.”

Un Yesus mipa ia: “Dau dalem Kitap: ‘Nyelama palaʹ Tuhan iaʹ Tuhan Allah hem. Bang palaʹ ia le ikem ke tunuk.’ ”

Kun Yesus mipa ia: “Un dau dalem Kitap iaʹ kuma ha: ‘Abeʹ e bang kuʹun penguman tuaʹ le kelunan ke senteng mudip.’ ”

Nai Yesus uleʹ cen sungai Yardin. Sangan ne kuʹun Berua Buheʹ. Penco Berua ina tai ngkin ia kaʹ tanaʹ lenga.

Un dau Yesus mipa ia: “Un dau dalem Kitap: ‘Ayen ncem ten Tuhan iaʹ Tuhan Allah hem.’ ”

Lepa Bali ina pesukung ketoʹ naʹan pengeten ne neng Yesus, tai ie ngerada Yesus pawang kediʹut de.

Tai kun Bali ina ngkin Yesus neng ukoʹ iaʹ tumau. Kidi ie peluhaʹ mia mung puyan pengaren kaʹ usun tanaʹ ne nuat le. Un dau Bali neng ia: “Me ikoʹ keʹ ubaʹ kenaʹ mung penyukat ini peging peniga ha. Moʹ mung dini pelek palaʹ akeʹ are. Sukat ceʹ ke naʹ a me aheʹ iaʹ ukoʹ keʹ ubaʹ ke naʹ a. Ketoʹ dini, ikoʹ ke un ne, buk koʹ ke sutlep palaʹ akeʹ.” Un Yesus mipa ia: “Dau dalem Kitap: ‘Nyelama palaʹ Tuhan iaʹ Tuhan Allah hem. Bang palaʹ ia le ikem ke tunuk.’ ”

Tai kun Bali ngkin Yesus kaʹ Yerusalim, ngkin ia kaʹ belubung Umaʹ Palan Allah. Un dau ue neng ia: “Buk lan ncoʹ Anak Allah, pelaboʹ ne usa hoʹ cen mpau ne. Moʹ un dau dalem Kitap: ‘Allah ke cuk melikat te kenai petubo ikoʹ tiga le.’ Ngan laʹa dau dalem Kitap: ‘Melikat dina ke nahak ikoʹ man ujoʹ de, malap taket coʹ ketai pegoʹ neng batu.’ ” Un dau Yesus mipa ia: “Un dau dalem Kitap: ‘Ayen ncem ten Tuhan iaʹ Tuhan Allah hem.’ ”