Popular Bible Verses from LUKAS 3

Share

Uʹo Yaya ngebatis mung dulu dina, kun ne ngebatis Yesus puʹo. Dalau ina mentung Yesus lemameʹ, pesik ne langit. Sulo kenai Berua Buheʹ cen mpau te, nepatung koʹ baʹan ca usa sui garaʹ are, mempep neng Yesus. Dalau ina un dau ca isiu cen langit kuma ha: “Ikoʹ anak keʹ, iaʹ penyelum keʹ. Ikoʹ iaʹ sihoʹ neng pengubaʹ keʹ.”

Ina ukoʹ Yaya badaʹ pekini dau mida mung: “Akeʹ ne ngebatis ikem man sungai, di lareʹ un ca laʹa iaʹ lapa bioʹ neng akeʹ, iaʹ kenai ʹo ini. Di pe ke mubai tali sepatu ue, abeʹ keʹ tekep. Ia ke ngebatis ikem man Berua Buheʹ ngan luten ʹo.

Ikem peluhaʹ ne diseʹ puyan ncem iaʹ tiga, iaʹ badaʹ ban lan diseʹ kem nesen ngan nyepuleʹ kimet cem cen penyalaʹ kem. Ayen ncem kuma ha neng ikem selepeʹ: “Ilu dini mela Ibrahim le.” Dau heʹ mikem, senteng pe Allah ke uyan mela Ibrahim cen batu dini pe.

Naʹkini tenup ne asai man ke nepeng puʹun kayu pesen pakat te. Moʹ mung inan buaʹ iaʹ abeʹ un tiga buʹan ke sihoʹ tepeng ʹo, penco mihit pet te kaʹ luten.”

Koʹ baʹan dau dalem Kitap Pegawa Yesaya: “Un dau kelunan ngelengap kaʹ tanaʹ lenga: ‘Petenup ne janan Tuhan kena kenai ie, ngan petelit ne janan ukoʹ kenai ie. Ketoʹ bek bek, nampun ne. Ketoʹ mudung bioʹ ngan mudung iʹut, ngelibaʹ ne. Janan iaʹ kileng, petelit ne, ngan janan iaʹ belatu, pekuaʹ ne ata ha. Buk pekina, mung kelunan ke taʹan ban puyan Allah keniga udip kelunan.’ ”