Popular Bible Verses from LUKAS 5

Share

Lepa ha petiraʹ, kun ne pisiu Simun: “Meka alut ini kaʹ beluaʹ laʹa, kata diaʹ dalem, ngan naʹ ne pukat cem telu kina, idi hem ke alaʹ atuk ʹo.”

Un dau Simun neng Yesus: “Ahaʹ Amai, lelat tekaʹ meʹ pegayeng utung alem tahup de, nyahut meʹ alaʹ ne. Mahoʹ dau hoʹ cuk pe sedeʹ, ameʹ ke naʹ lete pukat ini laʹa.” Uʹo re naʹ a, pasak kadoʹ atuk neng lekihuk ke, pekece ke berit pukat ina.

Naʹ pe Yesus kadoʹ gayeng nge, sematu ue ubaʹ tai ngelipau kukoʹ diaʹ lenga, moʹ o ubaʹ ke lemameʹ neng ata ha.

Abeʹ e kenai heʹ mengin kelunan diaʹ teneng, bang kelunan diaʹ dulu kuma jaʹat le, apan nte nesen ngan nyepuleʹ kimet de.”

Dalau Simun Peterus taʹan puyan ina, penco ho muʹup sutlep nyeripa Yesus, kun dau ue: “Ahaʹ Tuhan, ngerada ne ikoʹ cen akeʹ, moʹ akeʹ ini sangan kuʹun penyalaʹ.”

Un dau Yesus mipa ida: “Kelunan diaʹ maget abeʹ de mita duktun, bang kelunan diaʹ sakit le.

Kun nte mihit alut dina kaʹ sada bahi, penco re mahung ketoʹ inu re dina, sulo tai re bayaʹ Yesus.

Dalau Yesus neng ca lepoʹ, un ca laki iaʹ kenyarem sakit bekayen. Dalau ue taʹan Yesus, kun ne muʹup pa silung nge abeʹ kaʹ tanaʹ, moʹ o lemameʹ ke nyat maget. Dau ue: “Ahaʹ Tuhan, buk koʹ ubaʹ, sukat coʹ paget akeʹ.” Kun Yesus mencai ujoʹ o ngkang laki ina. Un dau ue: “Ubaʹ te akeʹ, maget ne ikoʹ.” Dalau ina lete, tai bekayen ne pesau.

Naʹ pe Yesus mulen ia, tai libut kuʹo ke denga ha. Kadoʹ kenai dulu pempun, ubaʹ ke ngeringa dau ue, mentung nte cuk ia paget ida cen penyakit de.