Popular Bible Verses from LUKAS 6

Share

Naʹ inu hem ngan tiga tawai me dulu, idi Allah ke naʹ mikem, moʹ Allah man tukaʹ iaʹ teneng. Ia lemenaʹ ngan meko pa tanet ngan lusut, pa ke penyukat cem alaʹ a. Tukaʹ iaʹ ikem nukaʹ me dulu, idi te man Allah ke nukaʹ mikem puʹo.”

Aheʹ iaʹ tiga, atek ke ke peluhaʹ iaʹ tiga cen pengetiga kimet te. Pekina pe aheʹ iaʹ jaʹat, atek ke ke peluhaʹ iaʹ jaʹat cen pengejaʹat kimet te. Inu iaʹ pasak sangan dalem kimet le, idi te ke isiu le puʹo.”

Di lareʹ tiga hem malaʹ neng bunoʹ kem, ngan uyan tiga mida. Naʹ inu hem dulu kanan kena, ayen nebelum me ngeliwet laʹa. Ban ne bioʹ bang peniga hem uʹo, ngan luhaʹ ban diseʹ kem anak Allah iaʹ Atek Mpau. Moʹ Allah lemuto naʹ peniga me dulu diaʹ muau ia pe, ngan dulu diaʹ jaʹat pe.

Tiga hem un pengelesau koʹ baʹan Amai Bioʹ kem iaʹ un pengelesau.”

Sulo dau Yesus pelaʹa: “Ayen ncem pebetep dau salaʹ neng dulu, idi Allah abeʹ un ke pebetep dau salaʹ neng ikem ʹo. Ngan ayen ncem mekem penyalaʹ me dulu, idi Allah abeʹ un mekem penyalaʹ mikem ʹo. Sau penyalaʹ neng dulu, idi Allah ke sau penyalaʹ neng ikem ʹo.

Kun Yesus: “Pekini dau heʹ neng ikem diaʹ ngeringa dau heʹ: Malaʹ ne ikem neng bunoʹ kem, ngan uyan tiga me dulu diaʹ miʹi neng ikem. Badaʹ seʹ tiga saheʹ kem me dulu diaʹ nunoʹ ikem, ngan lemameʹ me dulu diaʹ petuyen ikem.

Koʹ baʹan pengubaʹ kem dulu ke uyan neng ikem, pekina te ikem ke uyan mida.

Buk aheʹ nepap pinga hem, mata pe ceng bese laʹa. Buk aheʹ alaʹ sapai hem, pedayo ne ia alaʹ sapai tempan ncem laʹa. Singket de diaʹ nyat neng ikem, naʹ mida. Buk aheʹ alaʹ inu hem, ayen nyat te uleʹ.

Sulo dau Yesus pelaʹa: “Moʹ abeʹ un inan buaʹ iaʹ tiga ke un buʹan iaʹ jaʹat. Pekina pe abeʹ un inan buaʹ iaʹ jaʹat ke un buʹan iaʹ tiga.

Singket inan buaʹ ilu tisen cen buʹan ne. Moʹ cen puʹun suhaʹ, abeʹ le taʹan dulu alaʹ buaʹ abung. Ngan cen kelukun aka, abeʹ le alaʹ buaʹ anggur.