Popular Bible Verses from MARKUS 13

Share

E nde ñhe mia ye bi ziñ e be bôte bese amu jôé dam. Ve da, e môt a ye yem ne zeñ akekui asuʼulan e nye a ye yen ényiñ.

Mi tabeʼe ntye, mi tabeʼe évevé. Amu mi nji yem éyoñ biyoñ bia ye kpwaan.

Eyoñ ba ye kee mia nalé, te tyelane minleme yôb asu jôm mia ye jô, ve jam da ye veban be mia awolo te ebien, kobaʼane de. Amu sake mia mia ye kobô, ve Mfufub Nsisim.

Yôb a si bia ye lôt, ve mejô mam teke lôt.

Môse ôte, nge kʼawolo te, teke môt a yem, jaʼane béngele ya yôp, jaʼa ki Mone Môt, foʼo ve Esaa étam.

Eyoñe mia ye wôʼôtan bita, nge ki bifoofooé ya bita, te koone woñ. Nalé a yiane boban, ve da sake asuʼulane le.

E nde ñhe mombaʼan, amu mi nji yem éyoñe miejale a ye bulan, nge mamengôʼé, nge e zañ alu, nge éyoñ beyôm be kub ba loñ, nge ndib-tyé. Mi za ke tem a soya, a koone mia ôyo. Ajô ma kate mia di, ma jô de mia bese ve na: Mombaʼan!

Amu na ayoñe bôt da ye kôlô si e nga wosane di avok, éjôé é nga wosane ji évok. Mimfôʼôsan mi si mia ye bo mevôm mevôm, a bemfumbale zaé. Mame mete me ne aval ane atataʼa mintaé mi abiaé.

Amu na Mbamba Foé a yiane taté mane kateban e be meyoñ mese.

Amu bôt abui ba ye so, be beʼe jôé dam, be jôʼô na: Mamiene nyuna! Nalé ba ye duʼu bôt abui.

E nde ñhe mi baʼaleʼe miabebien. Amu na ba ye kee mia e meba mejô, a meba me Zambe, ba ye bôme mia a minkasa, ba ye kee mia e mise me beta bengovina a bejô bôt, amu ajô dam, nalé a ye boʼolô ngum jam e mise map.

Amu na, bekrist meduʼan a bekulu mejô meduʼan ba ye vam, ba ke ba bo mesimba a bitua bi mam na be yale mintoban mi bôt mezen mefe, nge nalé a ne boban.

E nde, melu mete, e mvuse beta njuʼu nyuna, jôb da ye dim, ngon teke fe faé. Ateté da ye ke da koo e yôp e kpwaʼa si, a ngule biôme ya yôp é kôlôʼô bité biap.