Popular Bible Verses from MARKUS 12

Share

Ane Yésus a nga yalane na: Atiñ ôsu e ne na: Vôʼôlôʼô, a Israél. Nti Zambe wongan e nye étam a ne Nti. Wo ye ñhe nyeʼe Nti Zambe wôé a nleme wôé ôse, a nsisime wôé ôse a ôsimesane wôé ôse a ngule jôé ése. Atiñe baa dina na: Wo ye nyeʼe môt mbok aval ane womien. Atiñ afe e nji bo anen alôte metiñe mete.

Ane Yésus a nga loone beyéʼé bé a jô be na: Ma bele foʼo ane ma jô mia na éngôngole nkuse minga jina é veya alôte bôte bese be wuaya moné éwolo va. Amu na bôte bete bese ba te zu ve amu be bili abui, ve nye kik, azoé dé été, a te ve mon abim ase a bili na a nyiñ été.

Ane Yésus a nga ke tabe asu éwolo mimvean, a fombôʼô ane bôte ba wua moné éwolo été. Abui minkukum e zaʼa wua abui moné. E nde éngôngole nkuse minga jia ja ke so, é wua minsañe mibaé, tañ étun kabe.

E nde fe na: E nyeʼane ya nyeʼe nye a nlem ôse, a fek ése, a ngul ése, a na e nyeʼane ya nyeʼe môte mbok aval ane womien, ñwô wo dañe bityiʼa bise ba diʼi ngumba, beta ndañan.

Yésus nyee be na: Vaʼane kéza biôm bi Kéza, a Zambe biôm bi Zambe. Ane be nga dañe foʼo kam a semé nye beta nseman.