Popular Bible Verses from MARKUS 14

Share

E nde a nga jô na: Abba, a Tat, ô ne ngule ya bo mam mese, boʼo na e kob nyuna é saʼale ma ôyap. Ve da sake ane ma kômbô, ve ane womiene wo kômbô.

Mombaʼan, mi yeʼelan, mi za ku meveʼele été. Nsisim ô ne ôsesa; ve minsôn mi ne atek.

Ma bele foʼo ane ma jô mia na, e vôm ase ba ye kañete Mbamba Foé e si ése nyuna, e jam minga nyô a te bo di, ba ye fe kañete de, be simesaʼane nye.

Ane a nga jô be na: Olun ô bili ma, awu bebé. Likaʼane vana, mi mombôʼô.

Be ngenan be jaʼa nalé, e nde a nga nyoñe fembé a botane je, a nga bek a ve be je, a jôʼô na: Nyoñan, nyôle jam nyô.

Ane fe a nga nyoñe élaé a mane ve akéva a ve be, ane be nga nyu je bese. E nde a nga jô be na: Metyi mame ya élat e me ma, metyi ma sôé e si asu jama bôt.

Ane Yésus a nga jô be na: Mia bese, mia ye kolé ôbak, amu e ne ntilane na: Ma ye bibi mbaʼale mintômba, a mintômba mia ye mane tyamelan, a bo ne miala-mialan.

Kôlaʼane si, bi ke, mi lôô e môt a zu koñe ma a ntoo bebé.

E nde Yésus a nga jô nye na: Ma bele foʼo ane ma jô wo na, e wo nyô, alu ebien ya den di, nnôm kub a ngenane teke loñ biyoñ bibaé, wo ye kate ma biyoñ bilaa.