Popular Bible Verses from Proverbios 16

Share

Va'a‑ka sonee o nuu nda'a Su'si ma nde a jani ini o ja sa'a o ma te maa ya sa'a ja ko kuu sukan jani ini o ma.

Ñayii ma, jani ini i nawa sa'a nawa kuu i ñuu ñayivi a, kovaa maa Su'si ma kúu iya ndaskaka va'a ña'a ichi ndaa ma.

vaa kuenda tnu'u ja sukan asi jaa nduxi ñuñu ma, sukan ka kuu tnu'u vii tnu'u mani ká'an ñayii ma, vaa sa'a i ja ndusii ini yikikuñu o.

Ñayii ma chi kua'a xeen ja jani ini i ja kuu sa'a i, kovaa maa Su'si ma kúu Iya ka'an nú ko kuu sukan jani ini i ma xi ña'a.

Ja va'a kúu ja kava kuee ini o ma sana ja ko kuyachi ini o te ndimaa ko kanaa o ma, te ja va'a‑ka kúu nú kúndee o kánda o te kaa kuee ini o ma sana ja kundee o tatnuni o nuu ñayii kua'a iyo in ñuu ma.

Ñayii jani ini ja maa i kúu‑ka ma chi ja ndetu ña'a kúu ja skenaa i maa i ma, te ñayii kúvixi xeen ma chi ni masu kee va'a ja jani ini i ja sa'a i ma.

Ndaka ja sa'a ja kúu ñayii ma chi jani ini maa i ja ja va'a‑ka kúu nuu Su'si ma, kovaa maa ya chi jini ndaa ya nú ja va'a kúu xi ña'a.

Ñayii niniso'o ñukuun i tnu'u Su'si a chi ja jani ini i ja sa'a i ma chi kee va'a te koo va'a‑ka i. ¡Naka vii naka va'a kúu ñayii kúkanu ini Su'si o Iya Tátnuni a!

Va'a‑ka ja visi vala‑ni na ni'i o nú sa'a ndaa sa'a ndija o ma sana ja ni'i kua'a o ma te sakui'na o ma.

Ka iyo jaku ñayii chi ka jani ini i ja ichi va'a ma kuan koo i, kovaa masu nde ka ndasa'a maa i kuenda ja ndita ndita ichi nuu jin skenaa i maa i ma kuan koo i.

vaa ñayii sa'a nanimaa ja u'vi ma chi sa'a i ja ka kanaa ñayii ma, te ñayii tnu'u ma chi sa'a i ja ka ndakiti ini nuu tna'a ñayii ka ketna'a ini ma.