Popular Bible Verses from Proverbios 17

Share

Ñayii kétna'a ndija ini ji'in in‑ka ñayii ma chi ni‑kani ni‑jika kútoo i ñayii yukan, te kivi kénda tnu'u xii ini ma chi ka chindee tna'a i kuenda tnu'u ja ndi-tna'a ñani i.

Ja koo sii ini ini anua o ma chi kuenda tnu'u ja in jatatna kúu i nuu yikikuñu o ma, kovaa nú nanimaa tnu'u xii ini koo ini anua o a chi onde yiki o ma xsichi i.

Ñayii sákanu ini ñayii ni sa'a ndeva'a ña'a ma chi ja ndúku i kúu ja koo mani i ji'in ñayii yukan, vaa kútoo i ñayii ma, kovaa ñayii nuu‑ni nuu‑ni ndákune'e i ja ni sa'a ña'a in‑ka ñayii ma chi masu kua'a‑ni, sani te masu na in ketna'a‑ka ini ji'in i.

Ñayii ndichi ma chi kánda i te masu ká'an yachi i te kaa kuee xeen ini i, vaa ñayii ndichi kúu i.

Nawa kúu ja onde ñayii so'o xeen kaa i te ñatuu jáku'ni ini i ma te iyo ora nawa ndáku ma te ñatuu ká'an kuiti i ma, chi ka ka'an ñayii ma ja in ñayii ndichi kúu tna i. Chukan kúu ja ñayii kánda‑ka ma te jasiyu'u‑ka i ma chi ñayii ndichi kúu i.

Va'a‑ka kúu ja visi xita yichi‑ni na kaa o te koo sii ini o ve'e o ma sana ja koo kua'a ja kaa ja ko'o o te ndimaa koo tnu'u jatu tnu'u ndi'vi.

Ñayii skeja'a ja kanaa i ma chi kuenda tnu'u ja ni ndakune i in nuu ñu'u ndute kua'a xeen ma te kua'a ja xnaa de ma, sukan kúu i, kovaa yo'o chi va'a‑ka ja kakayata o nuu ñayii yukan sana ja kuka'nu‑ka te kanaa o ji'in i.

Saxiko Su'si ma ñayii kúji'in ji'in ñayii sa'a ja u'vi ma xi ñayii xtekuechi ñayii ñatuu na kuechi ma ja na chunaa i in ja masu ni sa'a i ma.