Popular Bible Verses from Lucas 5

Share

Yachatsikur usharirnam Simónta nirqan: <<Kanan mas ruriman yëkur atarräyëkikunata jitayë pescäduta tsariyänëkipaq>>.

Simónnam nirqan: <<Tëtë, waraqninpim pescayarqü y manam jukllëllatapis tsariyarqütsu. Tsënö kaptinpis qam nimanqëki rëkurmi atarräyäta jitashaq>>. Jitarirnam atska pescäduta tsarïkuyarqan cäsi atarräyapis rachinqanyaq.

Jesúsqa imëpis chusyaqkunata ëwarmi Teyta Diosman mañakuq.

Noqaqa manam jutsannaq nunakunamantsu shamurqü, sinöqa jutsasapa nunakunamanmi jutsankunata jaqiriyänanpaq shamurqü>>.

Tsëta rikëkurnam Simón Pedro Jesúspa nöpanman qonqurikur nirqan: <<Tëtë, nöpalläpita witikurillë. Jutsasapa nunam kallä>>.

Jesúsnam nirqan: <<Sänu kaqkunaqa manam mëdicuta wanayantsu, sinöqa qeshyaqkunallam.

Tsënö niptinnam pläyaman barcunkunata jorqarïkur tsëchö llapanta jaqirïkur Jesúswan ewkuyarqan.

Juk markachö Jesús këkaptinnam leprawan qeshyaq nuna chärirqan. Jesústa rikärirnam urkunpis patsaman chanqanyaq qonqurikur kënö nirqan: <<Tëtë, munarninqa kachakëkatsillämë>>. Tsënö rowakuptinnam Jesús yatëkur nirqan: <<Munämi kachakashqa kanëkita>>. Tsënö niptinmi tsë höra kachakärirqan.

<<Ama willakunkitsu>> nikaptinpis jinantinchömi nunakuna musyariyarqan. Tsëmi atskaq ëllukëkuyarqan yachatsikushqankunata wiyayänanpaq y qeshyaqkunatapis kachakätsinanpaq.