Popular Bible Verses from Lucas 6

Share

Nuna mayikikunata qarëkuyaptikiqa Teyta Diosmi qamkunatapis tupuman junta junta tapsïkur ramë ramë qarakuq cuenta mas atskata qoykuyäshunki. Imanöllam qamkunapis nuna mayikikunata tratayanki tsënöllam qamkunatapis Dios tratayäshunki>>.

Alli nunaqa shonqun allita yarpashqantam parlan y mana alli nunaqa shonqun mana allita yarpashqantam parlan. Nunaqa shonqunchö yarpanqantam allita o mana allitapis parlan.

<<Qamkunaqa chikiyäshuqnikikunata kuyayanki. Pëkunapaq allillata rurayanki. Mana imata kutitsiyäshunëkita shuyarashpa imatapis qoykuyanki. Tsënö rurayaptikiqa Diosmi alläpa shumaq premiuta qoyäshunki. Pëqa mana payllä nikuqkunatapis y jutsasapakunatapis ankupanmi. Tsëmi qamkunapis ankupäkuq karqa puëdiq Teyta Diospa wamrankuna kayanki.

Teytëki ankupäkuq kashqannö qamkunapis ankupäkuq kayë>>.

<<Teyta Dios mana juzgayäshunëkipaq nuna mayikikunata ama juzgayëtsu. Tsënölla mana tumpashqa kayänëkipaq ama tumpayëtsu. Nuna mayikikunata perdonayaptikiqa qamkunatapis Teyta Dios perdonayäshunkim.

<<Wiyëkämaqkuna, qamkunatam niyaq: Chikiyäshuqnikikunata kuyayanki. Mana allipa rikäyäshuptikipis alli rikäyanki. Ashayäshuptikipis allipa parlapäyanki. Manakaqta niyäshuptikipis pëkunapaq Teyta Diosta mañakuyanki.

Imanömi nuna mayiki shumaq rikäyäshunëkita munayanki, tsënölla qamkunapis nuna mayikikunata shumaq rikäyë.

Qaqllëkikunachö laqyëkuyäshuptiki juknin lädu qaqllëkikunatapis kamapïkuyanki. Ponchïkikunata qochiyäshuptiki camisëkikunatapis qoykuyanki. Imata mañakuyäshuptikipis qoykuyanki. Imëkita qochiyäshuptikipis ama <kutitsimë> niyankitsu.

<<Alli montiqa manam mana alli frütata wayuntsu ni mana alli montipis alli frütata wayuntsu.

Wayïninpitam imanö monti kanqantapis reqintsik. Manam kashakunapitatsu hïgusta pallantsik ni shirakakunapitatsu üvasta pallantsik.