Popular Bible Verses from Lucas 4

Share

<<Teyta Diosmi Espïritunta noqaman kachamushqa. Pëmi akramashqa waktsakunata alli willakïninta willanäpaq. Tsënöllam kachamashqa [llakishqa kawaqkunata kallpatsanäpaq,] juk lädu nacionman prësu ëwaqkuna librina kayashqanta willanäpaq, wiskukunata kachakätsinäpaq, chikiqninkunapa makinchö jipaq nunakunata libranäpaq y Teyta Dios salvananpaq kaq tiempu chämushqanta willakunäpaq>>.

Jesúsnam nirqan: <<[¡Këpita witikï, Satanás!] Teyta Diospa palabranchö kënömi qellqarëkan: <Teyta Diosllatam adorayanki. Y pëllatam sirwiyanki> >>.

Jesúsnam nirqan: <<Teyta Diospa palabranchö kënömi qellqarëkan: <Manam tantata mikurllatsu nuna kawan, [sinöqa Teyta Dios nishqankunata cäsukurpis kawanmi]> >>.

Bautizakurir Espíritu Santupa poderninchöna Jesús këkaptinmi Jordán mayupita chusyaq jirkaman Espíritu Santu pusharqan.

Jesúsnam nirqan: <<Jina Teyta Diospa palabranchö kënömi nikan: <Teyta Diosta ama tentankitsu> >>.

Jesústa tentëta mana puëdirnam diablu ewkurqan imë karpis Jesúsman yapë kutinanta yarpar.

Tsëpitanam jatun jirkaman diablu pushëkur jinantin nacionkunata juklla rikëkatsir kënö nirqan: <<Llapan rikashqëki nacionkunata y tsëchö këkaq riquëzakunata qoykushqëki. Tsëkunata chaskishqa karmi munashqä kaqta pitapis qoykushaq. Qonqurikur adoramaptikiqa kë llapan rikashqëkitam qoykushqëki>>. Jesúsnam nirqan: <<[¡Këpita witikï, Satanás!] Teyta Diospa palabranchö kënömi qellqarëkan: <Teyta Diosllatam adorayanki. Y pëllatam sirwiyanki> >>.

Tsëpitanam Jerusalénman Jesústa diablu aparqan. Tsëchönam templupa mas altunman shëkatsir kënö nirqan: <<Diospa Tsurin karqa mä këpita jeqarkï. Diospa palabranchö kënömi qellqarëkan: <Angelninkunatam Teyta Dios kachamunqa imapitapis tsapëkuyäshunëkipaq. Pëkunam tsariyäshunki chakikillatapis rumikunachö mana tsaktanëkipaq> >>. Jesúsnam nirqan: <<Jina Teyta Diospa palabranchö kënömi nikan: <Teyta Diosta ama tentankitsu> >>.