Popular Bible Verses from Santiago 3

Share

Ja̱je pa'iquëta'are Maija'quë ta̱'ñe asaye i̱siye cato co'ayena co̱'me ma'ñe a'ë. Ja̱je pa'ina, jo'cua pa'iye, dahuëre pa'iye, yecohua'i cuasayere meñe ñañe peoye pa'iye, yecohua'ire teaye ñani co̱caiye, jaiye de'o co'amañare neñe, si'a yë'quë maca si'aohua'ire yo'oye, cui'ne nuñerepa pa'icohua'ire neñe a'ë.

Ja̱je pa'ito, mësaru aquëpi ta̱'ñe pa'ipi asa ti̱'asiquë pani iyere i̱ de'oye yo'oquë pa'iyepi cui'ne ja̱ ta̱'ñe asayepi teaye pa'ire nequëna, nesi co'amañare i̱ñoja'quë.

Ja̱je pa'ina, jo'cua de'oye pa'ija̱jë cajë yo'ocohua'i cato jo'cua de'oye pa'i ja̱'ñere neñë. Ja̱ yo'ojëna, ta̱se'e mëani quë̱iñeje pa'ye quë̱quëna, nuñerepa yo'oyere tëaja̱'cohua'i a'ë.

Ja̱je pa'ina, yecohua'i payere ëa ñajë pë̱iñepi cui'ne ai jerepa pa'i pasi'i cuasayepi pa'ito si'aye ne tiya saose'eje̱ pa'yepi pa'iji, coa si'aye co'ayere yo'oyepi.

Ja̱je pa'ina, i̱opi Maija'quëre de'oquëre pa'ni cajë sihuajë, cui'ne ja̱re i̱opi pa̱ireje̱ co'acohua'i a'ë cayë, Maija'quëpi i̱je pa'iohua'ire de'huasicohua'ireje̱. Ja̱re i̱ti yë'opopi etaji, de'oye cacaiye, cui'ne yecohua'ire co'aye cayeje̱. Ja̱je pa'i ma'ñe a'ë, Maija'quë do'ijë, ja̱je yo'oye ai co'aji.

Ja̱je pa'ina, tse̱meño cato toaje̱ pa'io, co'aye ne tuture ti̱mësicoa. Ja̱je pa'iopi mai ca̱përe pa'io si'a ca̱pë co'aye neñe pa'iji, cui'ne si'a mai pa'i ma'aje co'a de'huacoa, mëna tutupi i̱oni pa'i do'ire.

Ja̱je pa'iquëta'are tse̱meño cato ye'ya ti̱'añe peocoa, nau nëco ti̱'añe peocoa. Co'acoa. Tsi̱maoje pa'iopi si'aye co'a de'huayere ti̱mësicoa.

De'oji, Maija'quë do'ijë mësarupi tsoe asacohua'i a'ë, yecohua'ire se ye'yacohua'ipi jerepa i̱ohua'i yo'ose'e ña de'hua cua̱ño ja̱'ñe pa'iye. Ja̱je pa'i do'ire mësaru acohua'ipi jai pa̱irepa pa'ima'pë pa'ijë̱'ë, yecohua'ire se ye'yacohua'i.