Popular Bible Verses from Santiago 4

Share

Maija'quëna mësaru pa'iye i̱sisicohua'irepa pa'ijë i̱se'ere necaijë̱'ë, huati yëyere necaima'pë. Ja̱je yo'ojëna, ña jujani mësarute je̱oni huë'huëja̱quë api.

Maija'quëna tsioja̱ijë'ë, i̱pi mësaruna tsioja̱ija'quëre. Co'aye yo'ocohua'i të̱no to̱jë'ë, mësaru jë̱ñare si'si pa'iye. Maija'quëre oñu'u cajëta'a iye pa'iye se oijë yo'ocohua'ipi ja̱ si'si pa'iye tsoa to̱jë'ë, mësaru joñoare.

Ja̱je pa'ina, Maija'quë ña hue̱'ñare pana teaye pa'iohua'i de'ojë̱'ë, i̱pi mësarute jerepa pa'iohua'ire neja'quëre.

Ja̱je pa'iquëta'are Diusu maire oi co̱caiquë api. Ja̱je pa'ina, toyase'e caji: “Maija'quë cato teaye pa'iohua'ini oi co̱caiquë api, jerepa pa'iohua'i a'ë cuasacohua'ire cato co̱caiye pa̱quë api.”

Ja̱je pa'ina, de'oye yo'oye asaquëpi ja̱ yë'ta'a de'oye yo'oma'ë pani tsoe co'aye yo'opi.

Ja̱je pa'ina, mësarupi se̱ni i̱si cua̱ñoñe pa̱ñë, mësaru co'aye yëyere yo'ojë nejañu'u cajë se̱ do'ire.

Nëjore pacohua'ipi yequë nomioni yo'ocohua'ije̱ pa'iohua'i a'ë, mësaru. Huesëye mësaru iye yeja ayere ëa ñajë oicohua'i pani Maija'quëre oima'cohua'i de'ojë, i̱te sa̱ñope yo'ocohua'i pa'iyë. Ja̱je pa'ina, iye yeja ayere ëa ñajë oicohua'i cato Maija'quë cajeohua'i peoyë, Maija'quëre sa̱ñope yo'ocohua'i a'ë.

Ñamina'a mësaru pa'i ja̱'ñe huesëyë. Mësaru cato picoja̱'a pa'isicota'a peo hue̱'ña tiya saiyeje̱ pa'iohua'i a'ë.