Popular Bible Verses from Santiago 2

Share

Ja̱je pa'ina, ju̱'isi co'amañaje pa'ye a'ë, Maija'quë pa'iji cuasayepi coa pa'ini, nese'epi peoto.

Ja̱je pa'ina, pa̱ipi joyore peoquë pani tsoe ju̱'isiquë pa'iji. Ja̱je pa'ye cui'ne Maija'quë pa'iji cuasayepi yo'oye peoto ju̱'ise'epi pa'iji.

Maija'quë do'ijë Maija'quëre pa'iji cuasaquë a'ë. ¿Caquëta'a ja̱ yë'ta'a nese'e ti peoquëre i̱quere co̱caiquë'ni, i̱ cuasaye? ¿Ja̱je pa'ire i̱ cuasase'epi i̱te huasoye pa'iquë?

Më'ë Maija'quëre te'i pa'iji cuasaquë pa'iye ai de'oji. Ja̱je cuasani më'ë tayoma'ë pa'iyë. Ja̱je pa'iquëta'are huatiohua'ije̱ cui'ne cuasayë. Cuasajë ca'rajë tsasijë pa'iyë.

Te'i pa̱ipi ca'ñe pa'i api, ñeje: “De'oji, më'ë cato Maija'quë pa'iji cuasayese'e payë, nese'e peoquëpi. Ja̱je pa'iquëta'are yë'ë cato nese'ere payë.” Ja̱je pa'ina, yure yë'ëre i̱ñojë'ë, më'ë Maija'quëre pa'iji cuasayere nese'e peoyepi. Yë'ëpi më'ëre i̱ñosi'i, Maija'quë pa'iji cuasayepi yë'ë nese'ere.

Ai yo'ocohua'ire oima'pë pa'isicohua'ire cato oiye peosipi yecohua'i oisicohua'ise'e de'oye ti̱'aja'cohua'i a'ë, i̱ Maija'quë pa̱i yo'ose'eje̱ pa'ye ñaquë de'huasipi.

Ja̱je pa'ina, mësaru yure ñañë, Maija'quë pa'iji cuasaquë yo'oquëni nuñe pa'iquëre ca huesoye. Coa Maija'quë pa'iji cuasayese'epi nuñe pa'iquë ca hueso cua̱ñoñe peoji.

Ja̱je pa'ina, më'ë ñañë, Abraham i̱ yo'ose'epi Maija'quë pa'iji cuasayere i̱ñose'e. Ja̱je yo'oquëna, Maija'quë pa'iji cuasayepi coa yo'o jujase'e peoye etapi.