Popular Bible Verses from Santiago 1

Share

Maija'quë do'ijë, jaiye ai yo'oyepi cui'ne co'aye ëayepi mësaruna ti̱'a maca sihuajë̱'ë. Mësarupi tsoe asayë, ja̱ ai yo'oyepi cui'ne co'aye ëayepi mësaru pa'ire paji cuasayere neñañe a'ë. Ja̱je pa'ina, ja̱ neñañepi quëcocohua'i pa'iyere neji.

Mësaru acohua'ipi ta̱'ñe cuasajë yo'oyere carasicohua'i pani se̱jë'ë, Maija'quëni. Se̱to Maija'quëpi i̱sija̱'quë api, ta̱'ñe cuasajë yo'oyere. Maija'quë cato si'aohua'ire ta̱'tëpo ti peoyerepa cui'ne ti ë̱seye peoyerepa i̱siquë api.

Ja̱je pa'ina, Maija'quë do'ijë maña. Si'aohua'i mësaru cui'ñasicohua'ire papi yecohua'i cayere esa asajë̱'ë. Ja̱je pa'iquëta'are coca cayere esarepa cama'pë pa'ijë̱'ë. Cui'ne esa pë̱titema'pë pa'ijë̱'ë.

Nequëna, quëcosicohua'i pa'ijë nuñe pa'icohua'i cui'ne carase'e peocohua'irepa de'oye pa'iyë.

Maija'quë coca asani i̱ti cayeje̱ pa'ye neñe pa'iji. Nema'pë coa Maija'quë cocase'e asajë pa'ini co'ye coso cua̱ñosicohua'i pa'iyë.

Neñañere quëcoquë ta̱ima'quëpi sihuaquë api. Ja̱je pa'ina, neña tëjisi maca ti pa'i marore i̱si cua̱ñoja'quë api, Maija'quëre oicohua'ire i̱sisi'i ca nëose'ere. Ja̱ do'ire sihuaquë api.

Si'aye maire de'oyerepa i̱sise'e cato ma'tëmopi Maija'quë i̱sise'e a'ë. Ja̱ i̱siquë cato si'aye ma'tëmo miacohua'ire de'huasiquë api, ti̱ñe pa'i po̱nëma'quë api, cui'ne si'a tëcahuë̱a tëto saina, cui'neje pa'iquë api.

Ja̱je pa'ina, Maija'quë coca quëayese'e asaquëpi i̱ti asase'eje̱ pa'ye yo'oma'quë cato tsi̱ña de'huana me pa'i a'ni caquë i̱ tsia ñani se po̱nëni sai tsoe hua̱nëyeni me pa'i pate'ni cuasayeje̱ pa'i api.

Ja̱je pa'ina, Maija'quë pa̱i nuñerepa pa'iye cato iye a'ë: yëhuiohua'ire co̱caiye, hua'jeohua'i ai yo'ojëna, co̱caiye, cui'ne iye yeja si'si yo'oyere pu̱'pema'cohua'irepa pa'iye a'ë.

Mësaru aquëpi co'ayere yo'o ëaye nëiñe pa'ito cuasama'ë pa'ijë̱'ë, Maija'quëpi co'aye yo'o ëaye nëiñe neji, cajë. Maija'quë cato co'aye yo'o ëaye nëiñe asama'quë api. Cui'ne pa̱ipi co'ayere yo'oja̱jë caquë co'ayere yo'o ëaye nëiñe nema'quë api. Pa̱i cato i̱ohua'ipi co'ayere yë do'ire i̱ohua'i yëyepi quërë saquëna, co'aye yo'oyena ta̱icohua'i a'ë.

Maija'quë do'iquëre teaye pa'ini Maija'quëpi jerepa pa'ire necaina, asaquë sihuaye pa'iji.