Popular Bible Verses from Matthew 6

Share

ꞋEt hoontsꞌi ntsꞌenꞌa Yakꞌusda nohba lerwe tileh ꞌinkꞌez be tsꞌihꞌun unꞌa ꞌuhoontꞌoh-i nohchꞌeꞌ tileh, ꞌet za hukwaꞌ nahzun, ꞌinkꞌez ꞌon ꞌun cha tsꞌiyawh nohgha tíkulh wheꞌ hoontꞌoh.

ꞋEt huwa bunde dawhútanelh, ꞌet howu ni oohleꞌ junih. Bunde daootanelh la, ꞌet la ndo honeh. Dzin totsuk sooꞌ hoolcho whe huwu ni hooli ꞌet huwa.”

“ꞋEt huwa njan ndunóhdusni, yinka dúlhtsꞌi-un huwu ni oohleꞌ junih. Tihꞌulh-i ꞌinkꞌez tihnelh-i cha, ꞌinkꞌez nohyustꞌe soo naidutihleh, ꞌi cha, ꞌi tsꞌiyawh ooghuni oohleꞌ junih. Tihꞌulh-i be háhna-i anus diztiꞌ nahzun eh? Kꞌus naih ꞌi nohuyustꞌe anus diztiꞌ nahzun eh?

Tenadutihdli de, nohnichꞌoh whahtꞌi-un, dati dánadihtan whe tenadoohdli. NohBá lhistꞌen-un, tsꞌiyawh nohnilhꞌen, didutchꞌoh tsꞌiyanne nalh nohba ꞌukꞌelha whutilhtselh.

ꞋInka ndiz unꞌa tenadoohdli, ‘NeBá yakꞌuz sinda. Nyooziꞌ dótiꞌ. Whe lerwe inli-un, whusahooltsꞌit. Hukwaꞌ ninzun te, ndo honeh. Ndi yun kꞌut ꞌinkꞌez yakꞌuz cha, ndúhoneh.

ꞋAndit dzin ꞌuztiꞌulh-i, negha nínꞌaih.

ꞋInkꞌez ꞌuyoonne bulh dulhyoh tsꞌuwhulhꞌai de, buba whunatsꞌodoolnoh.

ꞋInkꞌez ntsiꞌ-un, ꞌen chꞌa neghinli. ꞋEt yakꞌuz kꞌuneꞌ ꞌintꞌen-un ꞌintꞌoh, ꞌinkꞌez be ilhtus-i cha, bé dintiꞌ-i cha, ꞌi ꞌilhiz wheni ꞌi tsꞌiyawh nchꞌeꞌ ꞌuntꞌoh. ꞋEt ndo honeh.’

ꞋEt dune nohdulhyoh néꞌhutꞌen de, ꞌinkꞌez buba whunaoodúlhnoh de, ꞌet de nohBá yakꞌuz usda-un, ꞌen cha nohba whunaoodutilnoh.

Ndo dutꞌai núdilh-i nulhꞌen! ꞋAw ꞌalheꞌ nusdloh ꞌinkꞌez ꞌaw khit huba ilheꞌosdle iloh. ꞋEt hoontsꞌi nohBá yakꞌuz usda-un, ꞌen bugha ꞌáꞌaih. ꞋI iloh lakw ba nus dáhtiꞌ?

“Ndi yun kꞌut uhtꞌiꞌ-i ꞌilhoozáhle iloh. ꞋUkꞌenaditsih ꞌinkꞌez musdziyaz cha gak yutilhtselh. ꞋUndunutꞌihne nohghu dáꞌ hutiyus ꞌinkꞌez hiduntitꞌih. ꞋEt kꞌus ndai la yakꞌuz be hoonzooꞌ hoontꞌoh-i, ꞌi yakꞌuz ꞌilhoozáhle. ꞋEt whuz unꞌa ꞌaw kꞌenádotsih ꞌaitꞌoh. Musdziyaz cha ꞌaw gak yoolhtselh ꞌaitꞌoh. ꞋAw nohghu daꞌ hooyis ꞌinkꞌez nohgheꞌ hundunootꞌih ꞌaitꞌoh. ꞋEt huwa ndet la uhtꞌiꞌ-i ꞌilhoozáhla, ndet ꞌusdla-un, nohdzi cha ꞌet dutáꞌalh.”

“ꞋAw ꞌilhoghun dune nane moodih ba ootꞌen ꞌaitꞌoh. ꞋIlhoghun ꞌen yutsꞌu dutitni ꞌinkꞌez ꞌilhoghun yukꞌetisiꞌ. Kꞌus ꞌilhoghun yukꞌúneꞌtitꞌen ꞌinkꞌez ꞌilhoghun yuchꞌaz dútatni. ꞋAw Yakꞌusda kꞌuneꞌ ꞌintꞌen ꞌinkꞌez sooniya cha kꞌuneꞌ ꞌontꞌen ꞌaitꞌoh.”

ꞋEt Yakꞌusda tlꞌo unzoo-i yilhꞌi. ꞋI ꞌandit dzin tlꞌo kꞌut ha niyeh ꞌinkꞌez bunde ꞌi tsehidutilhkulh ꞌinkꞌez dutákꞌun. ꞋEt dáhoolcho-i be nohni ꞌon nus soo nanohdutileh? Nohni ntsool-iyaz be ꞌalha lheꞌhootꞌohne ꞌunohdúsni!

ꞋEt huwa telꞌenne ghaꞌ tihꞌalh de, nohla ꞌintlꞌus tse datꞌen, nohla nailhnih tsꞌunkꞌus tꞌeoonoohzeh junih. ꞋEt whuz unꞌa ꞌuyoonne tꞌehonúszun ꞌet dahtꞌen whe telꞌenne gha ꞌáhꞌaih. NohBá yakꞌuz usda-un, whuꞌiz hooꞌen, tsꞌiyawh nohnilhꞌen whe ꞌuntꞌoh. ꞋEt huwa didutchꞌoh tsꞌiyanne but nohba ꞌukꞌelha whutilhtselh.”

“Huwahli! Khun telꞌenne ghaꞌ tihꞌalh de, tsꞌet whucho ndóhtꞌen junih. Ndahtꞌen de, nohBá yakꞌuz usda-un, ꞌaw nohba; ꞌukꞌelha hoolhtselh ꞌaitꞌoh.

“ꞋEt ndet soo hóotahnih de, duba naꞌudzooꞌne bukꞌunꞌa oohtꞌeꞌ junih. Ndutꞌenne dudzi yo ꞌuhilhdzun naꞌhududilꞌi wheꞌ hintꞌoh. ꞋInkꞌez dunin be teꞌhududilꞌen ꞌinkꞌez dzoh nuhuzut naꞌhududilꞌi. ꞋEt whuz unꞌa ꞌuyoonne whúbonulhtun ntsꞌenꞌa la soo huhooni hukwꞌunꞌa. ꞋAlhaꞌ whe nohdusni, mbe la ndutꞌenne buba ꞌukꞌelha yutaleh-i, ꞌudaꞌ buba kꞌelha whuzdliꞌ wheꞌ hintꞌoh. ꞋEt hoontsꞌi nohni soo hóotahni de, soo cho nenaꞌnoolhdeh ꞌinkꞌez nohtsegha cha naoolhtlo. ꞋEt whuz unꞌa soo hóotahni de, ꞌonghohne buchꞌa nonahꞌiꞌ. ꞋEt hoontsꞌi nohBá lhuhoostꞌen tsꞌe hoontsꞌi whunilhꞌen, ꞌen tsꞌiyanne nalh nohba ꞌukꞌelha whutilhtselh wheꞌ hoontꞌoh.”