Popular Bible Verses from Matthew 7

Share

“ꞋEt nohdusni Yakꞌusda ndai la ooka yoodulhkut-i nohgha ítaꞌalh. Ookunáhta ꞌinkꞌez nahootáhꞌalh. Dati dunulhkwꞌuz ꞌinkꞌez nohba dáhaꞌ dutikwus.

Yoodulhkutne, Yakꞌusda bugha whútaꞌalh. Hoonliyaz hukwunútane, nahahootáꞌalh. Dati dunulkwꞌuzne, Yakꞌusda buba dáhaꞌ dutitꞌelh.

“ꞋEt huwa mbene la sghuni yoozilhtsꞌaine, ꞌinkꞌez daja dusni-un hukwꞌú neꞌhutꞌen, dune whunih-un duyoh tse kꞌut neooninꞌai, ꞌen kꞌunꞌa ꞌuhintꞌoh.

ꞋEt huwa ntsꞌenꞌa hukwaꞌ nahzun dune danohotilhꞌelh-un, whuz unꞌa nohni cha ꞌet ndúboolhꞌen. Moses be ꞌudustlꞌus ꞌinkꞌez nus hooꞌenne bubeꞌ ꞌudustlꞌus cha, ꞌet náhooltꞌoh nduwhútni.”

Datí-un hoondat ꞌinkꞌez ti ꞌilhiz be tsꞌukhuna-un ꞌet howa whulnaꞌ wheꞌ hoontꞌoh ꞌet huwa. ꞋAw lhane iloh nahuhóoꞌaih.”

“Datíh hoondat-un ꞌet hukohdilh. Datíh ꞌinkꞌez ti hoontel-un, ꞌet kwuncho yo tsꞌu ti ꞌuhoontꞌoh ꞌinkꞌez lhane whuz whedilh.

Nohni lubeshi ꞌulhꞌenne ꞌahli, ꞌet hoontsꞌi tꞌeoonahzun unzoo-i nohuzke gha tíhꞌalh. Dáwhulcho-i be ꞌon nus ndo yakꞌuz nohBá yoodulhkutne, unzoo-i bugha tiꞌalh.

“ꞋUyoonne ba nahoohyeh junih. Doo ka si nohba nahoodeh. Ntsꞌenꞌa ꞌuyoonne ba nahahyeh, ꞌet whuz unꞌa nohba nahutideh. ꞋInkꞌez ntsꞌenꞌa ꞌuyoonne neꞌbulhꞌen de, whuz unꞌa za nohba ꞌukꞌelha whutaleh.

ꞋEt hoontsꞌi mbe la sghuni yuditsꞌone ꞌinkꞌez ꞌaw hikꞌu nulheꞌustꞌen de, dune whusni-un sai kꞌut neooninꞌaih, leꞌ ꞌuntꞌoh.

Di ha nyulhutsin lhusyaz oona kꞌet diztan, ꞌi nilhꞌen, ꞌet hoontsꞌi ꞌaw tꞌeoonuzinzun nyunchꞌoh duchun cho nyuna kꞌet diztan? Ntsꞌenꞌa nyulhutsin ꞌudutánelh, ‘Nyuna kꞌeltsꞌut-i nyuna kꞌehanaóosꞌalh,’ ꞌinkꞌez nyunchꞌoh lhelcho-i nyuna kꞌet ꞌusꞌai-i ꞌaw lhnílhꞌen?

“Mbene la whutsꞌit be nus hooꞌenne naꞌdudilꞌi, ꞌenne buka huwahli! ꞋUsbai zuz be soo dintꞌohne, ꞌenne buyo tsꞌe yus ꞌukꞌenus ntsiꞌ-i, ꞌenne léꞌhintꞌoh. Dahútꞌen-un, ꞌi be tꞌebuntihzeh. Duje isdloo whus chun gha huyoonuyin eh? Kꞌus ndi mai, figs huyulhni, chuntoh whudutsꞌul-un whutoh huyoonuyin eh? ꞋAwúndooh!

ꞋEt whuz unꞌa za duchun unzoo-i, ꞌi mai unzoo-i ooghu ha niyeh. Duchun mai untsiꞌ ootsꞌu ha núlhye.

Duchun dalhjut-i, ꞌaw mai unzoo-i ooghu ha nóoyeh ꞌaitꞌoh. ꞋInkꞌez duchun dalhjut-i, ꞌaw mai unzoo-i ootsꞌu ha núlhyeh ꞌaítꞌoh.

Duchun ꞌaw mai unzoo-i ooghu ha nooyeh ꞌaitꞌoh, nánuhidutselh ꞌinkꞌez hidilhkꞌun.