Popular Bible Verses from Matthew 5

Share

Dune too dizkꞌun naidulhkꞌan ꞌinkꞌez ꞌaw chalhyal yunedóoꞌalh ꞌaitꞌoh, kꞌus lutab kꞌeyítaꞌalh ꞌinkꞌez kwun ꞌi gha yoh dilhtsꞌine huwhuntilhꞌelh. Dune ba be hootꞌen-i ꞌahli. ꞋI be nohꞌeꞌutꞌen unzoo-i dune huyuntilhꞌelh ꞌinkꞌez nohBá yakꞌuz usda-un hidutálhtiꞌ.”

Yun ka buba be hootꞌen ꞌahli. Keyoh whuti dzulh kꞌut whuzꞌai de, ꞌaw whuntoolhtih ꞌaitꞌoh.

Mbene la oodzi dutsun lhilohne, ꞌenne kꞌat le Yakꞌusda hutiꞌelh ꞌet huwa ꞌenne ꞌukꞌenus hoonzoo-un bughá whultsꞌut.

Mbe la Yakꞌusda ye tsꞌihꞌun ꞌuntꞌoh-i yukaꞌ ninzunne, hukwaꞌhuninzun-un, ꞌet bugha óotaltsꞌulh. ꞋEnne ꞌukꞌenus hoonzoo-un bughá whultsꞌut.

ꞋEt hoontsꞌi nohdusni, nohchꞌaz ditnine bukꞌeoohsiꞌ. Mbene la denóhdulene, ꞌenne khuni unzoo-i be bubulh yaóolhduk. Nohtsꞌu dutnine, butsꞌun oohzooꞌ. Hoontsiꞌ nohtsꞌun neꞌhutꞌen ꞌinkꞌez dzoh nunohulhdzutne, buba tenadoohdli.

“Lubeshi ꞌulhꞌenne, budzi telꞌen unline, ꞌenne yakꞌuz kꞌuneꞌ whulꞌen-un oochꞌeꞌ huzdliꞌ, ꞌet huwa ꞌukꞌenus hoonzoo-un bugha whultsꞌut.

Mbe la tsꞌihꞌun lhtsꞌun ꞌuhootꞌeꞌne, ꞌenne Yakꞌusda buzkeh ubodutánelh. ꞋEnne ꞌukꞌenus hoonzoo-un bughá whultsꞌut.

Dulubeshi ghu ni unline, ꞌenne ꞌukꞌenus kꞌenánitꞌane hutileh. ꞋEnne ꞌuhuja ꞌukꞌenus hoonzoo-un bugha whultsꞌut.

Tsꞌihꞌun ꞌuhintꞌoh huwa dzoh nubuhulhdehne, ꞌenne yakꞌuz kꞌuneꞌ whulꞌen-un, ꞌet buchꞌeꞌ hinli. ꞋEnne ꞌukꞌenus hoonzoo-un bughá whultsꞌut.

ꞋUyoonne gha tꞌeninzunne, ꞌenne Yakꞌusda cha bugha teꞌuntazeh, ꞌenne ꞌukꞌenus hoonzoo-un bughá whultsꞌut.

Nkede suba dune nohchꞌaz yahutilhduk ꞌinkꞌez dzoh nunohotilhdzut, ꞌinkꞌez tsꞌiyaitsuk whutsꞌit khuni dutsun-i be nohchꞌa ꞌutsꞌun unꞌa yahutilhduk, si sgha whuz unꞌa dune dzoh nunohulhdzut de, ꞌet ꞌukꞌenus hoonzoo-un nohghá whultsꞌut. Kꞌudada whunúlhni ꞌinkꞌez ꞌukꞌenus hoonáhtꞌiꞌ! Yakꞌuz hooncha whe nohba kꞌelha whutaleh. Nohtso nus hooꞌen inleꞌne, whuz unꞌa za bube huzula inleꞌ.

Yo údudildzunne, ꞌenne ndi yun kꞌut buchꞌeꞌ whutaleh ꞌet huwa ꞌukꞌenus hoonzoo-un bugha whultsꞌut.

Nohni ndi yun kꞌut lubeshi ꞌulhꞌenne buba lisel leꞌ ꞌahtꞌoh. ꞋEt hoontsꞌi lisel ꞌaw oonalhuwhúlhni ꞌulhih te, ntsꞌenꞌa suba doo cha lisel oonawhúlniꞌ naoodleꞌ? ꞋAw hoonli ba lheꞌízooꞌ whe ꞌuntꞌoh. ꞋAntsꞌi dune tehúyulhkuk ꞌinkꞌez hikꞌu núdilh wheꞌ hoontꞌoh.

ꞋEt huwa nohBá yakꞌuz usda-un, ꞌen dantꞌoh whe tsꞌihꞌun ꞌuntꞌoh, ꞌet nohni cha whuz unꞌa za oohtꞌeꞌ hubaꞌ hoontꞌoh.”

ꞋEt kꞌus ndiz unꞌa njan dúdoohtni, ꞌet ꞌawet ‘A,’ dahni, ‘A,’ ꞌuntꞌoh. ꞋInkꞌez ‘ꞋAwúndooh,’ dahni de cha, ‘ꞋAwúndooh,’ ꞌuhoontꞌoh. ꞋEt ꞌutsꞌun unꞌa ꞌudahni de, ꞌet ntsiꞌ-un tsꞌu ha dutídoh whe ꞌuntꞌoh.”

“ꞋEt whutsodaꞌ whulh ꞌudahtsꞌo ntsꞌenꞌa dune daja hutni inleꞌ whe njan duhutni, ‘Dune oona hoos̱ꞌen silhtsi de, nyunchꞌoh nyúna be hoos̱ꞌen tanleh. ꞋI be hukwꞌelha whutalhtselh. ꞋEt ooghu dádilhchus de, nyunchꞌoh nghoo be hukwꞌelha whutalhtselh,’ hutni inleꞌ. ꞋEt hoontsꞌi ꞌunohdusni, dune ntsiꞌ-un kꞌólꞌen junih. ꞋEt kꞌus mbe la nailhnih tsꞌe nohnizkuk de, ꞌintlꞌus tsꞌe ootsꞌun nándunontꞌah.

ꞋEt nailhni tsꞌe nyuna ꞌi be lubeshi ꞌinla de, ha nónꞌalh ꞌinkꞌez ꞌun ntolhꞌis. ꞋEt ꞌon nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh. ꞋInkꞌez nailhni tsꞌe nla be níntaꞌ nintꞌen de, kꞌontꞌas ꞌinkꞌez ꞌun tolhꞌis. ꞋOn nus sooꞌ hoontꞌoh nohyustꞌe ndulcho dutákꞌun-un whanus sooꞌ hoontꞌoh.”