Popular Bible Verses from Iakopo 2

Share

E fa‘apea fo‘i le fa‘atuatua, pe ‘āfai e lē i ai galuega, e mate lava ia ‘ina ‘ua na o ia.

E fa‘apei o le tino ‘ua oti ia pe a te‘a le agaga, e fa‘apea fo‘i le fa‘atuatua ‘ua mate pe a leai ni galuega.

O‘u uso e, se a le aogā pe a fai mai se tasi ‘ua ‘iā te ia le fa‘atuatua, ‘ae lē ‘iā te ia galuega? E mafai ‘ea le fa‘atuatua ‘ona fa‘aola ‘iā te ia.

‘Ua e talitonu e to‘atasi lava le Atua; ‘ua lelei lava lea; ‘ua talitonu fo‘i temoni ma latou tetemū.

‘Ae fai mai se tasi, “O ‘iā te oe le fa‘atuatua, o ‘iā te au fo‘i galuega;” ‘ia ‘inā fa‘aali mai ia ‘iā te a‘u lou fa‘atuatua e aunoa ma galuega, ‘ou te fa‘aali fo‘i ‘iā te oe lo‘u fa‘atuatua i a‘u galuega.

Auā o le lē alofa, e lē alofagia o ia i le fa‘amasinoga; a o lē alofa, e ‘oli‘oli ia pe a fa‘amasinoina.

O lenei, ‘ua ‘outou iloa ‘ua ta‘uamiotonuina le tagata i galuega, ‘ae lē na o le fa‘atuatua.

‘E te iloa, na galulue fa‘atasi le fa‘atuatua ma ana galuega, o galuega fo‘i ‘ua ‘ato‘atoa ai le fa‘atuatua?