Popular Bible Verses from Iakopo 1

Share

O‘u uso e, ‘iā ‘outou manatu, o le mea e fiafia tele ai pe a maua ‘outou i tofotofoga ‘ese‘ese. ‘Ina ‘ua ‘outou iloa o le tofotofoina o lo ‘outou fa‘atuatua e tupu ai le ‘onosa‘i.

‘Ae ‘āfai ‘ua leai se poto i so ‘outou, ‘inā ole atu ia i le Atua, o lē foa‘i tele mai i tagata uma ma le lē toe ta‘uta‘ua, ‘ona foa‘iina mai ai lea ‘iā te ia.

O lenei, o‘u uso pele e, ‘ia ta‘itasi le tagata ma fa‘ata‘alise ‘ona fa‘alogologo, ‘ia fa‘agesegese ‘ona tautala atu, ‘ia fa‘agesegese ‘ona ita.

A ‘ia ‘ato‘atoa le galuega a le ‘onosa‘i, ‘ina ‘ia ‘ato‘atoa ai ma ‘ia sao ‘ona lelei ai ‘outou, ‘ia leai se mea e tasi e mativa ai.

A ‘ia fai ‘outou ma ē ‘ana‘ana i le ‘upu, ‘ae ‘aua le na ‘ona fa‘alogologo i ai, o fa‘asesēina ai ‘outou e ‘outou.

‘Amu‘ia le tagata e ‘onosa‘i i le fa‘aosoosoga; auā a uma ‘ona tofotofoina e maua e ia le pale o le ola ‘ua folafolaina mai e le Ali‘i i ē alolofa atu ‘iā te ia.

o mea lelei uma e foa‘ifuaina mai, ‘atoa ma mea alofa uma e ‘ato‘atoa ‘ona lelei, mai lugā lava ia, e alu ifo mai le Tamā o malamalama, e lē o ‘iā te ia se mea fa‘alētumau po o sina liliu itiiti.

Auā ‘ai se tasi e fa‘alogologo i le ‘upu ‘ae lē ‘ana‘ana i ai, e tusa ia ma le tagata ‘ua va‘ava‘ai i le fa‘aata i ona lava mata na fānau ma ia. Auā ‘ua va‘ava‘ai o ia ‘iā te ia lava, ‘ona alu ‘ese lea, ‘ua galo loa le uiga o ona mata.

O lenei lava le to‘aga i lotu e lelei ma le fa‘amaoni i luma o le Atua o le Tamā lea, ‘ina ‘ia tauasiasi atu i ē mātua oti ma fafine ‘ua oti a latou tane i o latou tigā ma ‘ia leoleo fo‘i o ia ‘iā te ia lava, ‘ina ne‘i pisia mai o ia i le lalolagi.

A fa‘aosoosoina se tasi, ‘aua le fa‘apea, “‘Ua fa‘aosoosoina a‘u mai le Atua.” Auā e lē mafai ‘ona fa‘aosoosoina o le Atua i mea leaga, e lē fa‘aosooso atu fo‘i o ia i se tasi; a ‘ua ta‘itasi ma fa‘aosoosoina, pe a tōsina ma maileia i lona lava tu‘inanau.

‘Ia ‘oli‘oli le uso mativa ‘ina ‘ua fa‘amaualugaina o ia