Popular Bible Verses from Iakopo 3

Share

A o le poto mai lugā e muamua ‘ona mamā, i le ‘ua filemū, e agamalū, e ganagofie, e tumu i le alofa ma fua lelei, e lē alofa fa‘apito, e lē fa‘atagā fai.

O ai ‘ea so ‘outou ‘ua poto ma ‘ua malamalama? ‘Inā fa‘aali mai ia e ia a‘i le amio lelei o ana lava galuega i le agamalū o i ai le poto.

‘Ua lūlūina fo‘i le fua o le amiotonu ma le filemū e i latou o ē fa‘atupuina le filemū.

Auā o le mea e i ai le mata‘u‘a ma le misa, o i ai le fē‘avaua‘i ma mea leaga uma.

O lea ‘ua tatou vivi‘i a‘i i le Atua le Tamā, o lea fo‘i ‘ua tatou fetu‘u a‘i i tagata ‘ua faia e foliga i le Atua. E luai mai i le gutu e tasi le vivi‘i ma le fetu‘u. O‘u uso e, e lē tusa ‘ona faia fa‘apea o nā mea.

O le laulaufaiva o le afi lea. O le faupuega o amio leaga; ‘ua tu‘uina i o tatou itū tino, o lo‘o leaga ai le tino uma, ‘ua fa‘amūina ai le olaga nei uma lava; ‘ua fa‘amūina fo‘i lenā mai Kēna.

Peita‘i e lē mafai e se tasi tagata ‘ona fa‘alata i le laulaufaiva; o le mea leaga e lē matāofia, ‘ua tumu i le mea ‘o‘ona e oti ai.

O‘u uso e, ‘aua le to‘atele ‘outou e fai ma a‘oa‘o, ‘ina ‘ua tatou iloa e atili ai ‘ona fa‘asalaina o i tatou.