Iakopo 2

‘Aua le Fa‘ailogaina tagata

1O‘u uso e, ‘aua tou te fa‘ailoga tagata i lo ‘outou tāofi i le fa‘atuatua i lo tatou Ali‘i mamalu o Iesu Keriso. 2Auā ‘āfai e ulu atu se tagata i la ‘outou fa‘apotopotoga ma ni mama auro i ona lima ma le ‘ofu pupula, ‘ae ulu atu ai fo‘i se tagata mativa ma le ‘ofu leaga.#Epe 10.25 3‘Ona ‘outou fa‘aaloalo atu lea ‘iā te ia ‘ua ‘ofu i le ‘ofu pupula, ma fa‘apea atu i ai, “‘Inā alāla ia oe i lenei mea lelei;” ‘ae fai atu i le tagata mativa, “‘Inā tu ia oe ‘i‘inā,” pe “Nofo ia ‘i‘inei i lalo o le mea e tu ai o‘u vae;” 4e lē ‘ua fete‘ena‘i#2.4 fete‘ena‘i: O le fa‘aliliuga tuai; filita‘a. ‘ea ‘outou ‘iā te ‘outou lava, ma ‘outou fai ma fa‘amasino e leaga ai o ‘outou manatu?

5O‘u uso pele e fa‘alogologo mai ia; e lē ‘ua filifilia ‘ea e le Atua o ē matitiva i lenei lalolagi, ‘ia tamao‘āiga i le fa‘atuatua, ‘ua tofia fo‘i i latou i le mālō ‘ua ia folafolaina mai i ē alolofa ‘iā te ia?#1 Kori 1.26; Luka 12.21 6Peita‘i ‘outou, ‘ua ‘outou fa‘aletaualoa le tagata mativa. E lē ‘ua fa‘asauā ‘ea o ē tamao‘āiga ‘iā te ‘outou, ma latou fetoso ‘iā te i ‘outou i le fa‘amasinoga? 7E lē ‘ua ‘upu leaga ‘ea i latou i le suafa lelei ‘ua igoa a‘i ‘outou.

8‘Āfai fo‘i ‘ua ‘ato‘atoa ‘ona ‘ana‘ana o ‘outou i le tulafono silisili, e tusa ma le Tusi, “‘Ia e alofa atu i lē lua te tuā‘oi, ‘ia pei o oe lava ‘iā te oe,” tou te amio lelei ai.#Levi 19.18 9‘Ae ‘āfai tou te fa‘ailogaina tagata, ‘ua ‘outou agasala ai, ‘ua fa‘ailoaina ai i le tulafono o solitulafono ‘outou.#Teu 1.17 10Auā o sē tausi le tulafono uma, ‘ae agasala i se mea e tasi, ‘ua nofo sala ia i mea uma.#Mata 5.19 11Auā o ia na fetalai mai, “‘Aua le mulilua,” ‘ua fetalai mai fo‘i o ia, “‘Aua le fasioti tagata;” ‘āfai ‘e te lē mulilua, a ‘ua e fasioti tagata, ‘ua fai oe ma solitulafono.#Eso 20.13-14; Teu 5.17 12‘Ia fa‘apea ‘ona ‘outou tautala, ‘ia fa‘apea fo‘i ‘ona ‘outou faia, pei o ē a fa‘amasinoina i le tulafono o le sa‘olotoga.#Iako 1.25 13Auā o le lē alofa, e lē alofagia o ia i le fa‘amasinoga; a o lē alofa, e ‘oli‘oli ia pe a fa‘amasinoina.#Mata 5.17; 18.30, 34; 25.45-46

O le Fa‘atuatua ma Galuega

14O‘u uso e, se a le aogā pe a fai mai se tasi ‘ua ‘iā te ia le fa‘atuatua, ‘ae lē ‘iā te ia galuega? E mafai ‘ea le fa‘atuatua ‘ona fa‘aola ‘iā te ia. 15‘Āfai ‘ua lē ‘ofu se uso po o se tuafafine, ‘ua leai fo‘i sana mea e ‘ai i lea aso ma lea aso, 16a fai atu, so ‘outou ‘iā te i latou, “‘Inā ō ia ‘outou ma le manuia, ‘ia mafanafana, ma ‘ia mā‘o‘ona,” a ‘ua lē foa‘i atu ‘iā te i latou ni mea e tatau i le tino, se a lona aogā?#1 Ioane 3.17 17E fa‘apea fo‘i le fa‘atuatua, pe ‘āfai e lē i ai galuega, e mate lava ia ‘ina ‘ua na o ia.

18‘Ae fai mai se tasi, “O ‘iā te oe le fa‘atuatua, o ‘iā te au fo‘i galuega;” ‘ia ‘inā fa‘aali mai ia ‘iā te a‘u lou fa‘atuatua e aunoa ma galuega, ‘ou te fa‘aali fo‘i ‘iā te oe lo‘u fa‘atuatua i a‘u galuega.#Kala 5.6 19‘Ua e talitonu e to‘atasi lava le Atua; ‘ua lelei lava lea; ‘ua talitonu fo‘i temoni ma latou tetemū.#Mare 5.7 20Le tagata valea e, ‘e te lē fia iloa ‘ea ‘ua mate#2.20 ‘ua mate: O nisi fa‘aliliuga; e lē aogā. lava le fa‘atuatua pe a leai ni galuega? 21E le‘i ta‘uamiotonuina ‘ea lo tatou tamā o Aperaamo i galuega, ‘ina ‘ua avatu e ia o Isaako lona atali‘i i luga o le fatafaitaulaga?#Kene 22.9-10, 12 22‘E te iloa, na galulue fa‘atasi le fa‘atuatua ma ana galuega, o galuega fo‘i ‘ua ‘ato‘atoa ai le fa‘atuatua? 23Sa taunu‘u ai fo‘i le Tusi, ‘ua fa‘apea mai, “Na fa‘atuatua Aperaamo i le Atua, ‘ona ta‘ua ai lea ‘iā te ia e fai ma amiotonu;” sa ta‘ua fo‘i o ia o le uō a le Atua.#Isai 41.8; Kene 15.6; Roma 4.3; 2 No 20.7 24O lenei, ‘ua ‘outou iloa ‘ua ta‘uamiotonuina le tagata i galuega, ‘ae lē na o le fa‘atuatua.

25E fa‘apea fo‘i Raava le fafine talitane, e le‘i ta‘uamiotonuina ‘ea o ia i galuega, ‘ina ‘ua talia e ia ē na ‘a‘auina atu, na ia au ‘ese atu ai fo‘i ‘iā te i lā‘ua i le tasi ala?#Epe 11.31; Iosu 2.4, 15; 6.17

26E fa‘apei o le tino ‘ua oti ia pe a te‘a le agaga, e fa‘apea fo‘i le fa‘atuatua ‘ua mate pe a leai ni galuega.

Currently Selected:

Iakopo 2: RSCB

Highlight

Copy