Popular Bible Verses from Eperu 9

Share

Na fa‘apea fo‘i Keriso, ‘ua tasi lava lona avatua o ia ma taulaga, ‘ina ‘ia ‘aveina ai agasala a le to‘atele, e fa‘aali fo‘i o ia ‘iā te i latou o ē fa‘atalitali atu ‘iā te ia i lona fo‘i fa‘alua mai, e lē ‘ina ‘ia ‘aveina agasala, a ‘ia fa‘aolaina i latou.

E lē sili ‘ea ‘ona fa‘amamāina o ‘outou loto fuatia ifo a‘i galuega e oti ai, i le toto o Keriso, o lē na avatua o ia e ia i le Agaga fa‘avavau e fai ma taulaga e lē ponā i le Atua, ‘ina ‘ia ‘outou ‘au‘auna i le Atua soifua?

Pei ‘ona tofia fo‘i mo tagata ‘ia tasi lo latou oti, ‘ae mulimuli ane o le fa‘amasinoga.

Na toe ‘inā uma fo‘i o mea uma ‘ona fa‘amamāina i le toto e tusa ma le tulafono; a lē o i ai fo‘i se fa‘amaligiina o le toto, ‘ua leai fo‘i se fa‘amāgaloina.

O le mea fo‘i lea, o lo‘o fai ai o ia ma puluvaga o le feagaiga fou, ‘ona o lona maliu fo‘i e togiola a‘i agasala na faia a o i le mua‘i feagaiga, ‘ia maua ai e i latou ‘ua vala‘auina o le tofi fa‘avavau na folafolaina.