Popular Bible Verses from Eperu 8

Share

Auā ‘ou te fa‘amāgalo ‘iā latou amioleaga, ‘ou te lē toe manatua fo‘i a latou, agasala ma o latou solitulafono.”

A o le feagaiga lenei ‘ou te faia ma le ‘āiga o Isaraelu pe a mavae atu ia aso, o lo‘o fetalai mai ai le Ali‘i, ‘ou te tu‘uina atu a‘u tulafono i o latou mafaufau, ma ‘ou tusia i o latou loto. E fai fo‘i a‘u mo latou Atua, e fai fo‘i i latou mo‘u nu‘u.

Latou te lē a‘oa‘o atu fo‘i ta‘itasi i lē la te tuā‘oi, ma ta‘itasi i lona uso, e fa‘apea atu, ‘‘Ia e iloa le Ali‘i.’ Auā e iloa a‘u e tagata uma lava, o tagatanu‘u ‘atoa ma ali‘i.

Auā ‘ua ta‘ua e ia ‘ua lē sa‘o lē na muamua, ‘ona fetalai atu lea o ia ‘iā te i latou, o lo‘o fetalai mai le Ali‘i, “O lo‘o fetalai mai le Ali‘i, Fa‘auta mai, e o‘o mai ona aso, ‘ou te osi ai se feagaiga fou ma le ‘āiga o Isaraelu ‘atoa ma le ‘āiga, o Iuta.

O le ‘a‘ano lenei o mea o lo‘o tautala ai nei, ‘ua ‘iā i tatou le ositaulaga sili e fa‘apenā, o lē ‘ua nofo i le itū taumatau o le nofoāli‘i o lē Silisili‘ese o i le lagi.