Popular Bible Verses from Eperu 10

Share

‘Aua le lafoa‘iina le fa‘apotopotoina o i tatou, pei o le masani o isi, a ‘ia fēfa‘amafanafana a‘i; ‘ia atili ai fo‘i ‘ona fa‘apea ‘ina ‘ua ‘outou iloa o le Aso o lo‘o taulata mai.

‘Ia tatou mānatunatu fo‘i le tasi i le tasi, ‘ina ‘ia taufa‘atupu ai le alofa ma galuega lelei.

‘Inā tatou tāofi mau ia i le fa‘amoemoe ‘ua tatou ta‘utino atu ma le lē fefo‘ifo‘ia‘i; auā e fa‘amaoni o ia ‘ua folafola mai.

Auā ‘ua aogā ‘iā te ‘outou le ‘onosa‘i, ‘ina ‘ia maua e ‘outou le mea na folafolaina, pe a uma ‘ona faia e ‘outou le finagalo o le Atua.

‘Inā tatou fa‘alatalata atu ia ma le loto fa‘amaoni i le fa‘atuatua ‘ua mautinoa lava, o sausauina o tatou loto nai le manatu ifo ‘ua leaga, o tā‘elea fo‘i o tatou tino i le vai manino.

O le mea lea ‘aua le lafoa‘i ai lo ‘outou loto tele, auā ‘ua i ai le taui e tele.

Auā ‘āfai tatou te agasala ma le loto i ai pe a uma ‘ona talia o le malamalama o le ‘upu moni, ‘ua lē toe lava se taulaga mo agasala. Na o le fa‘atali ma le mata‘u tele i le fa‘amasinoga, ma le to‘asā e mumū e susunu ai i ē o tete‘e atu.