Eperu 9

O Sauniga o le Feagaiga Tuai

1O lenei fo‘i, sa i le feagaiga na muamua o sauniga e ‘au‘auna a‘i, ma le mea pa‘ia fa‘alelalolagi. 2Auā na saunia le potu i luma, e ta‘ua o le mea pa‘ia, sa i ai le tu‘ugāmolī, ma le la‘o‘ai, ma le areto e laulauina i luma.#Eso 25.23, 30-31 3O ona tala atu fo‘i o le lua o ‘ie puipui sa i ai le potu e ta‘ua o le mea e sili ‘ona pa‘ia.#Eso 26.31-33 4Sa i ai le ipu auro e fa‘amū ai mea manogi, ma le ‘atola‘au o le feagaiga ‘ua liloia i auro, sa i ai le ipu auro fa‘a‘ofu‘ofu sa i ai le manai, ma le to‘oto‘o o Arona sa tupu, ma papama‘a o le feagaiga.#Eso 16.33; 25.16, 21; Nume 17.8-10 5Sa ona luga fo‘i kerupi pupula, sa malu‘ia ai le nofoa o le alofa; o mea ia e lē mafai ‘ona talatala ta‘itasi atu ai nei.#Eso 25.18; 26.34

6O lenei, ‘ua fa‘apea ‘ona saunia o ia mea, ‘ona ulufale so‘o lea o ositaulaga i le potu i luma, ma faia ai a latou galuega.#Nume 18.3-4 7A o le potu i tua, e ta‘itasi i tausaga ma fo‘i fa‘atasi i ai na o le ositaulaga sili, e lē aunoa ma le toto, sa ositaulaga ai o ia mo ia lava, ‘atoa fo‘i ma sesē o le nu‘u;#Eso 30.10; Levi 16.2, 14-15 8‘Ua fa‘ailoa mai ai e le Agaga Pa‘ia, e le‘i fa‘aalia le ala i le mea e sili ‘ona pa‘ia, ‘ina o tu pea le mua‘i fale fetāfa‘i. 9O le fa‘atusa lea e o‘o mai i nei ona po, o lo‘o avatu ai mea alofa ma taulaga, e lē mafaia ‘ona fa‘a‘ato‘atoaina i la lona loto fuatia ifo o lē ‘au‘auna i ai. 10O i ai na o mea e ‘ai, ma mea e inu, ma fuluga ‘ese‘ese i le vai, ma fa‘atonuga fa‘aletino, na fa‘atūina se‘ia o‘o i ona po o le toe fuata‘iga.#Levi 11.2; 15.18; Nume 19.13

O le Taulaga a Keriso

11A o Keriso ‘ua maliu mai, o le ositaulaga sili i mea lelei ‘ua aulia, ‘ua ui ane i le fale fetāfa‘i e sili ‘ona lelei ma ‘ona ‘ato‘atoa, e lē faia e lima, o lona uiga e lē faia fa‘alelalolagi nei. 12‘Ona ulu fa‘atasi lava lea o ia i totonu o le mea pa‘ia, e lē ma le toto o ‘oti ma tama‘i povi, a o lona lava toto, ‘ua na maua le togiola fa‘avavau mo i tatou. 13Auā ‘āfai o le toto o povi po‘a, ma ‘oti, ma le lefulefu o le povi fafine ta‘anoa, ‘ua sausau atu ai i ē ‘ua leaga, e fa‘apa‘iaina ai e o‘o i le fa‘amamāina o le tino.#Levi 16.15-16; Nume 19.9, 17-19 14E lē sili ‘ea ‘ona fa‘amamāina o ‘outou loto fuatia ifo a‘i galuega e oti ai, i le toto o Keriso, o lē na avatua o ia e ia i le Agaga fa‘avavau e fai ma taulaga e lē ponā i le Atua, ‘ina ‘ia ‘outou ‘au‘auna i le Atua soifua?#1 Pete 1.18-19; 1 Ioane 1.7; Fa‘aa 1.5; 1 Kori 15.45; Epe 6.1

15O le mea fo‘i lea, o lo‘o fai ai o ia ma puluvaga o le feagaiga fou, ‘ona o lona maliu fo‘i e togiola a‘i agasala na faia a o i le mua‘i feagaiga, ‘ia maua ai e i latou ‘ua vala‘auina o le tofi fa‘avavau na folafolaina.

16Auā pe a fai se mavaega, se‘i ‘iloga e oti lē ana le mavaega, ‘ona o‘o ai lea; 17auā e fa‘amaonia se mavaega ‘ona o le oti, ‘ina ‘ua lē aogā a o ola mai lē ana le mavaega. 18Auā na lē fa‘amauina lē na muamua a o lē o i ai se toto. 19Auā ‘ua uma ‘ona ta‘uina atu e Mose i le nu‘u uma lava o poloa‘iga uma e tusa ma le tulafono, ‘ona tago atu lea o ia i le toto o tama‘i povi ma ‘oti, ‘atoa ma le vai, ma fulufulu mamoe e mūmū, ma isopo, ‘ua ia sausauina atu ai le Tusi, ‘atoa ma le nu‘u uma lava.#Eso 24.3; Levi 14.4; Nume 19.6 20‘Ua fai atu, “O le toto lenei o le feagaiga ‘ua poloa‘iina atu e le Atua ‘iā te ‘outou.”#Eso 24.6-8 21O le fale fetāfa‘i fo‘i ‘atoa ma mea uma e ‘au‘auna a‘i na ia sausauina atu ai fa‘apea i le toto.#Levi 17.11; Epe 1.7 22Na toe ‘inā uma fo‘i o mea uma ‘ona fa‘amamāina i le toto e tusa ma le tulafono; a lē o i ai fo‘i se fa‘amaligiina o le toto, ‘ua leai fo‘i se fa‘amāgaloina.#Levi 17.11

O le Taulaga a Keriso ‘ua ‘Ave‘esea ai Agasala

23O le mea lea sa tatau ai ‘ona fa‘amamāina o fa‘atusa o mea o i le lagi i ia mea; a o mea fa‘alelagi lava e fa‘amamāina i taulaga e sili ‘ona lelei i ia mea. 24Auā ‘ua lē ulu atu Keriso i le mea pa‘ia ‘ua faia e lima, o le fa‘atusa lea o le mea moni, a o le lagi lava, ‘ina ‘ia iloa ai nei o ia i luma o le Atua mo i tatou.#Epe 11.12; 1 Ioane 2.1 25‘Ae lē ‘ina ‘ia avatu so‘o o ia e ia ma taulaga, pei o le ositaulaga sili ‘ona ulu atu i le mea pa‘ia i lea tausaga ma lea tausaga ma le toto ‘ese; 26auā ‘ana fa‘apea po ‘ua tatau ‘ona tigāina fa‘alasi#9.26 tigāina fa‘alasi po o tigāina fa‘atele. o ia talu ona fa‘avaeina o le lalolagi a o lenei, ‘ua tasi lava le fa‘aalia mai o ia i le fa‘a‘atoaga o tausaga, ‘ina ‘ia ‘ave‘eseina le agasala, ‘ina ‘ua faia o ia e ia ma taulaga. 27Pei ‘ona tofia fo‘i mo tagata ‘ia tasi lo latou oti, ‘ae mulimuli ane o le fa‘amasinoga.#3.19 28Na fa‘apea fo‘i Keriso, ‘ua tasi lava lona avatua o ia ma taulaga, ‘ina ‘ia ‘aveina ai agasala a le to‘atele, e fa‘aali fo‘i o ia ‘iā te i latou o ē fa‘atalitali atu ‘iā te ia i lona fo‘i fa‘alua mai, e lē ‘ina ‘ia ‘aveina agasala, a ‘ia fa‘aolaina i latou.#Isai 53.12; Fili 3.20; Epe 10.10; 12.14; 2 Timo 4.8; 1 Pete 2.24

Currently Selected:

Eperu 9: RSCB

Highlight

Copy