Popular Bible Verses from Mt 26

Share

Yo'lenqex ut tijonqex re naq mext'ane'k sa' li aaleek: li musiq'ej yo'oon wank, a'ut li tz'ejwalej lub'lub' wank.

Toja' naq kixye reheb': —K'ajo' xrahil li waanm, ka'aj chik maa ninkamk! Kanaaqex arin ut yo'lenqex wochb'een.

Kijilok chik kach'in ut kit'ane'k chi hupu, yo chi tijok: “At inYuwa', wi truuq, chinume'q li sek' a'in sa' inb'een; ab'an moko jo' ta li nawaj laa'in, jo'aq b'an li nakawaj laa'at”, chan.

Xb'aan naq a'an a'in linkik'el re li Sumwank, hoyb'il sa' xk'ab'a' chixjunileb' re xkuyb'al xsachb'al li xmaakeb'.

Ut naq yookeb' chi wa'ak, li Jesus kixchap li wa, kiyoxink sa' xb'een, kixjachi, kixk'e reheb' li xtzolom ut kixye: —K'ulumaq, wa'omaq; a'an a'in lintz'ejwal.

Chirix chik a'an kixchap jun li uk'leb'-sek', kiyoxink, kixk'e reheb' ut kixye: —Uk'umaq chejunilex li xsa' li sek' a'in.

Toja' naq kisutq'iik rik'ineb' li xtzolom ut kixtaweb' chi wark; ut kixye re laj Pedro: —Ma ink'a' xekuy jun k'amokaq yo'lek wochb'een?

Ninye eere naq chalen anaqwan ink'a' chik twuk' xya'al li uub' toj sa' chik li kutan a'an naq a' chik li ak' b'iin twuk' wochb'eenex sa' li xnimajwal awab'ejihom linYuwa'.

Ut laj Pedro kinaqk sa' xch'ool li kiyehe'k re xb'aan li Jesus: “Toj maji'aq nayaab'ak li tzo' kaxlan, akaq ox sut xaye naq ink'a' nakanaw wu”. Ki'elk chirix kab'l ut k'ajo' naq kiyot'e'k chi yaab'ak.

Waklinqex! Yo'qeb'! We' chaq li taaq'axtesinq we.

Toja' naq kiyehe'k re xb'aan li Jesus: —K'e wi' chik laach'iich' sa' xna'aj, xb'aan naq chixjunileb' li te'xchap xch'iich', chi ch'iich' ajwi' te'oso'q.