Popular Bible Verses from Mt 27

Share

Oxib' honal tana naq li Jesus kixjap re chi kaw ut kixye: “Elí, Elí! Lemá sabaktani?”. Chi jalb'il ru naraj naxye: “At inYos, at inYos, k'a'ut naq xinaakanab' injunes?”.

Aka' li xt'ikrul li rochoch li Yos kiq'iche'k sa' xyi chalen taqe'q toj taq'a. Ki'eek'ank li ch'och' ut eb' li xninqal pek ke'it'je'k. Kilaje'teliik eb' li muqleb'aal kamenaq, naab'aleb' li sant ak kamenaqeb' ke'wakliik chaq wi' chik chi yo'yo

A'ut li Jesus kixjap wi' chik re chi kaw ut ki'elk xch'ool.

Li xjolomileb' laj puub' rochb'eeneb' li yookeb' chi k'aak'alenk re li Jesus, naq ke'reek'a li hiik ut ke'ril li yo chi k'ulmank, k'ajo' naq ke'xiwak: —Relik chi yaal naq li winq a'in Ralal li Yos, chankeb'.

Chalen wa'leb' toj sa' oxib' honal ki'aak'ab'o'k sa' xb'een chixjunil li ruuchich'och'.

Ut laj Pilaat kixpatz' reheb': —K'a' put ru tinb'aanu re li Jesus, a' li Kriist nayeemank re? Ke'xye chixjunileb': —Chik'ehe'q chiru krus. —K'a' put ru li ink'a' us xb'aanu? chan wi' chik laj Pilaat. A'ut eb' a'an q'axal kaw chik ke'xjap re chi xyeeb'al: —Chik'ehe'q chiru krus.