Popular Bible Verses from लूका 9

Share

थेमे थेकी याङराङ चेलातेबाताङ थेरू मि गाङेला “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन ङीमे ठाङमा थेकीचेन दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

च्‍यि सासीन तिरी बो माताबा खाला सुइँदेकी दाक्‍पोन ज्‍यानगी माया खिदुक सासीन थेकी नोमुङ मिसिन्‍च्‍येते जुनी मेङेदो। दाक्‍पोन फाइदा माताबा खाला ङे लाईदु दाक्‍पोन ज्‍यानगी मायाङ मारे खित्‍कान्‍ते मिकीचेन नोमुङ मिसिन्‍च्‍येते जुनी ङेत्‍क्‍यो।

थेमे येशूकीचेन थेला “लाङ मोताला स्‍यूनामेई लाङबेकी ल्‍हाकनापा ग्‍युरला तेइन देत्‍सीन लेमु खाला लाङ मोता मुथुबो। थोकराङ खाला पूरो सेम परमेश्‍वर छ्य्‌वापाराङ लै मिक्‍ककान्‍ते मिकीङ परमेश्‍वर राज्‍यदु खिता फाप्‍च्‍येते काम खिता मुथुबो,” सिन सिदुक।

सुइँदेकी दि जुनीला दि सा लुङबादु ओतातेबरी जेसुकै ङेता ओत्‍सीनोङ स्‍यिनामेई थे मिते च्‍यि आश ओङगीतेरो?

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

थोक सिरजीन थेकी “तर दि बात छ्या स्‍येबा खि। च्‍यि सासीन किप्‍च्‍याङते देत्‍च्‍येते ठाउँ ओङगो। थोकराङ खाला छ्योज्‍युङमेतेङ छाङ ओङगो। तर परमेश्‍वर ओत्‍सादुई वाबाते मि ङेतेनी थेबेते च्‍योक खाला देत्‍च्‍येते ठाउँ छारीनी गोःज्‍यीक रिल्‍ला देत्‍च्‍येते ठाउँओङ मेत,” सिन सिदुक।

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।