Popular Bible Verses from लूका 10

Share

ख्‍योकोनगी रूलताङ बिच्‍छीला ङेन्‍ला ख्‍याम्‍बा थुप्‍क्‍यो। थेबेकी ख्‍योकोनला छ्याःङ खिता मुथुबो। ख्‍योकोन शत्रुगी जति मेलेबा खिता चाल्‍सीनोङ ख्‍योकोनगी थेला ग्‍याल्‍ग्‍यो। सुङगीङ थेमे छ्याःङगीङ ख्‍योकोनला मेलेबा खिता मुथुबो।

थोक सिरजीन प्रभु येशूकी “फुमो, खोनी साच्‍या थुङच्‍याताङ ज्‍येन ज्‍येन कामगी पीर खिदुक। खो च्‍यिला दोक आउदी खाला दोक्‍ते बातकी पीर खिते? खिता फाप्‍च्‍येते कामज्‍यीककामा ओत। थे काम मरियमगी खिन दुक। दोक माकेत सिन दिला सुङगीङ सिरा मेङगो,” सिन सिदुक।

थेमे थेकी “परमेश्‍वर नियमलानी ‘खुई प्रभु परमेश्‍वरला खोरोङ आत्‍माताङ बुद्धिकी थेमे स्‍येतकी थुपासम्‍म सेमदुकीराङ ङिङज्‍ये खि। थेमे दाक्‍पोन ज्‍यानला माया खिता च्‍योकराङ खाला ज्‍येनलाङ ङिङज्‍ये खि,’ सिन साबा ओत,” सिन सिदुक।

थेबाताङ बात खिन थेकी “स्‍यीङदु थोक्‍पा रूक्‍पा फाप्‍च्‍येते बाली काल्‍बेई ओत्‍कीन खेतालाचेन टिक्‍पीईकामा ओत्‍सीन स्‍यीङगी धनीला ज्‍येनोङ खेताला गोच्‍या दुक सिन सिरा फाप्‍क्‍यो मेन? थोकराङ खाला ज्‍येनला परमेश्‍वर बात लोप्‍कान्‍ते मि टिक्‍पीईकामा ओतेकी थोक्‍ते मि काल्‍बेई फेल छ्युत सिन ख्‍योकोनगी परमेश्‍वरला प्रार्थना खि। च्‍यिला सासीन परमेश्‍वर राज्‍यदु स्‍यूक्‍पा छोल्‍कान्‍ते मि आउदी काल्‍बेई दुक।

दोस्‍यिक सानामेकी येशूकी थे धर्मे गुरूला “था खो चुक सिते? थेबा मेरा सुमगी नाङ डाँकाओनगी दुबाते थे मिला खाङगीचेन ज्‍येनला खिता फापा च्‍योकराङ लेमु खासुङ सिराच्‍योक लाङगीका?” सिन ठिसुङ। थोक सिन ठिजीन थेकी “ङालानी थे मिला दया खित्‍कान्‍ते मिकीराङ ज्‍येनला खिता फापाच्‍योक खाबाते ईन सिराच्‍योक लाङगीदुक,” सिन सिदुक। थेमे येशूकी थेला “थोगी लो खो ग्‍युक थेमे खुईङ होथोकराङ खि,” सिन सिदुक।

लो था ख्‍योकोन ग्‍युक। फारे हूलगी लुई रीउओनला थेप्‍सीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुई रीउला खिता च्‍योकराङ मिओनगी ख्‍योकोनला मेलेबा खिओ।