Popular Bible Verses from लूका 11

Share

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

थेमे ङा ख्‍योकोनला च्‍यि सिते सासीन खेराङला च्‍यि च्‍यि गोकीका आबा परमेश्‍वरला नाङ सि। थेमे थेकी तेरग्‍यो। ख्‍योकोनगी चाल्‍सीन पक्‍काराङ ङेत्‍क्‍यो। गो पेत्‍ला नाङ सि। थेमे परमेश्‍वरगी गो पेत्‍ला ख्‍योकोनला नाङने स्‍योक सिओ।

च्‍यिला सासीन नाङ खित्‍कान गाङेला थेकी तेरग्‍यो। छोल्‍कान गाङेकी ङेत्‍क्‍यो। थोकराङ खाला गो पेत्‍ला नाङ सिरकान्‍तेबालाङ परमेश्‍वरगी नाङने स्‍योक सिओ।

थेमे थेकी “ख्‍योकोनगी परमेश्‍वरला प्रार्थना खित्‍जीन दोक सि। चुक सासीन ‘आबा परमेश्‍वर, मि गाङेकी खोल्‍ला मान खित्‍स्‍यीत। सा लुङबा खाङ पूरो खाला खुई राज्‍य ओङस्‍यीत।

ङ्योकोनगी खाबाते पाप माफ नाङ। ङ्योकोनोङ ङेराङला मेलेबा खित्‍कान गाङेला माफ तेरग्‍यो। थेमे मेलेबा काम खित्‍से छ्य्‌वापेई ङ्योकोनला जोए खाला नाङ,’ सि,” सिन सिदुक।

ङीमे ठाङमा ङ्योकोनला गोच्‍येते साप थुङा नाङ।

ख्‍योकोन मिक खेराङ लाईदु बत्ती च्‍योकराङ ईन। च्‍यि सासीन मिक लेमु ओत्‍सीन नाम्‍दाकलाराङ देत्‍ला ख्‍योकोनगी जे कामोङ लेमु खिता थुप्‍क्‍यो। तर मिक लेमु मेत्‍सीन मुन्‍दाकलाकामा देत्‍ला ख्‍योकोनगी छ्याःङ लेमु खिता मुथुबो।

थोरूमोङ बात च्‍यि सासीन बत्ती पारला च्‍याला सुङगीङ खइँसाला मोबोङो, फामगी उप्‍लाङ मोज्‍योओ। बरू नाङने स्‍यूक्‍कान गाङेकी नाम्‍दाक थोङस्‍यीत सिन खइँसाला थोम्‍बोला ज्‍य्‌वाक्‍यो।