Popular Bible Verses from लूका 8

Share

कोई कोईकीचेन परमेश्‍वर बात थोनामेई आउदी लेमु खाला ङेन्‍ग्‍यो। थेबेकी खोपरोङला जे ओङसीनोङ थे बात ङेन्‍दा मोतोङा खाला लेमु काम खिन देत्‍क्‍यो। सबी लेमु ओत्‍साला फापाते सोन साबातेचेन होथोक्‍ते मिओनला साबाते ईन।

लोक्‍ला कोई कोईकी परमेश्‍वर बातनी ङेन्‍ग्‍यो। ईन्‍सीनोङ साच्‍या थुङच्‍याताङ खोन्‍च्‍ये पीर, सम्‍पत्ति लोभ थेमे सुबा दुला दुला सेइन किम्‍मु खाला देता चालेकी खित्‍सादु थेबेकी थोबाते परमेश्‍वर बात दाक टोक ज्‍येत्‍ला छ्याःङ काम लै मिक्‍किओ। चाङगी बुटे नाङ फाप्‍कीन केबाते छ्याःङ मागोन्‍दाते सोन साबातेचेन होथोक्‍ते मिओनला साबाते ईन।

थेमे कोई कोईकी परमेश्‍वर बात थोबासात्तु आउदी गा खिन ङेन्‍ग्‍यो। ईन्‍सीनोङ थे बात लेमु खाला सेमगी नाङ मोज्‍योओ। थोगी परमेश्‍वर बात ङेन्‍देकी खित्‍सादु तिरी खइँदा दुक्‍पा ङेत्‍जीन थेबेकी थे बात ङेन्‍दा दाक तोङगो। टिक्‍पी टिक्‍पीकामा सबी थेमे दो काल्‍बेई ओत्‍साला फापाते सोन साबातेचेन होथोक्‍ते मिओनला साबाते ईन।

थेमे थेकी चेलातेबाला “ङे ख्‍योकोनला जोए खिता थुप्‍क्‍यो सिन ख्‍योकोनगी ङाला विश्‍वास खाबाते खोइ?” सिन सिदुक। येशूकी थोक खाबा थोङगीन अचम्‍ब लाकीन आते खिन चेलातेबेकी “आबिई, दि मि चुक अचम्‍बज्‍यीक ईन्‍दाका। दिकी कोतातेनी ल्‍हाबाताङ समुन्‍द्रे छालगी समेदोङ ङेन्‍गीदुक,” सिन सासुङ।

लामला फाप्‍कीन छ्योज्‍युङमेकी तुकीन सोबाते सोन साबातेचेन परमेश्‍वर बात थोकान्‍तेबे नाङ थरीज्‍यीक मिला साबाते ईन। थोक्‍ते मितेचेन परमेश्‍वर बात ङेन्‍च्‍येते सेमराङ मेतेकी थे बात थोसीनोङ थे बात पत्ते मिक्‍किस्‍यीत थेमे परमेश्‍वरगी थेबाला पापदुकी मेडेल्‍स्‍यीत सिन शैतानगी थेबेकी थोबाते बात होत्ता टोक ज्‍येत ज्‍युत्‍क्‍यो।

बात च्‍यि सासीन थोरूमसाक ख्‍योकोनला छ्या स्‍ये माच्‍युताते बातबरी थाचेन परमेश्‍वरगी छ्या स्‍ये ज्‍युत्‍क्‍यो। थेमे थोरूमसाक माखोबाते बाततेबाङ खो ज्‍युत्‍क्‍यो। दोक खिन ज्‍येनतेबेकीङ थे बात छ्या स्‍येकीन डुइओ।

थेमे थे फेम्‍मे मिकी थे मोरोङगी थेला दोबाते बात येशूकी थाहा ङेत्‍सुङ सिन छ्या स्‍येसुङ। थोगी थेकी ज्‍यीबा खिन दारगीनकामा वाकीन येशू काम्‍बाला से खाईन थेरू मि गाङे ङोन्‍दु “ङा लो च्‍युन्‍ङी थोङलामेई ठाक ऊरच्‍येते बेथेकी नाबा ओतान। थेमे जति मेन खासीनोङ थातासाक सुङगीङ ठाक्‍पा खिता थुपा मेतान। ङेते दि बेथा ठाक्‍स्‍यीत सिन ङे गुरूते खोलाक दोबाप। थोक खाला खोलाक द्वासात्तु ङा दाक ठाक्‍सुङ,” सिन येशूला गाङे बात लाःप्‍सुङ। थेमे येशूकी थेला “फुमो, खुई ङाला विश्‍वास खाबेकी खित्‍सादु खो ठाक्‍पाते ईन। लो था खोले खोले ग्‍युक। थेमे लेमु खाला देत,” सिन सिदुक।

थोगी ज्‍यीबेकी आते खिन चेलातेबेकी येशूला “ए गुरू, ल्‍वा ना ल्‍वा,” सिन ङिक चेत्‍कीनकामा “लो तो, डुङ्गा नुपा खाईन सिन्‍सुङ। था ङुरूङ स्‍यिच्‍या ओङसुङ,” सिन छेरा खासुङ। थेमे ङिक छेत्‍कीन खोक लाकीन येशूकी ल्‍हाबाताङ समुन्‍द्रे छालला “गोगे देत,” सिन सासुङ। थेकी थोक सानामेई ल्‍हाबा चले खिता ताङसुङ, समुन्‍द्रे छालोङ तोरसुङ।