Popular Bible Verses from Mak 10

Share

Hatak Ushi ak kia nan isht im ʋtta hi o̱, a̱ya tok keyu: amba ilapo ak osh nan isht ʋtta he, anonti la̱wa kʋt isht a hlakofa hi a̱ ilap im ilhfiopak a isht atobba he mak a tok oke, im achi tok.

Mihma Chisʋs ʋt atokolit pisa mʋt, Hatak okmʋno yohma he keyu kia, amba Chihowa hokʋno ai yohmi hoke. Chihowa yak okmʋno nan oklu̱ha kʋt aia̱hli chatuk oka, achi tok.

Mihma Chisʋs ash ot, Ish iashke; na chi yimmi hʋt chi hlakofichi hoke, im achi tok. Mihma ashali̱ka ho̱ponayo mʋt, hina fohkʋt Chisʋs a̱ iakaiya tok.

Yohmi hoka, Chihowa hʋt nana ka it a halʋllichi ha ya, hatak nana kia ik it i̱ filʋmmicho kashke, im achi tok.

Yohmi ma Chisʋs ʋt pisa kʋt i̱ hullo: mihmʋt, Nana achʋfa hosh ik chim onoshke; ish ia cha, nana hosh chim a̱shakmʋt, ish kampila cha, ilbʋsha puta ka ish imashke: yohmik mak osh na holitompa kʋt ʋba yakni ya̱ chin tonla he mak oke: mikmʋt mintit ititaiyukhʋna ant ish eshi cha, is siakaiyashke, im achi tok.

Mihma Chisʋs ʋt afalaminchi mʋt, Nanta mak o̱ chi̱ yʋmihchi la hi a̱ ish ahni cho? im achi tok: mihma hatak lʋpa yash osh, A̱ shahli ma! hoponayo la hi a̱, im achi tok.

Yohmi kia hʋchishno yokʋto hʋchi yʋmohma he keyushke: amba hʋchi kanima mʋt i̱ shahli bʋnna hosh hʋch ibafo̱ka hokmʋt, nan‐isht hʋchim ʋtta ya he.

A̱hli mak o̱ hʋchim achi lishke, Kʋna hosh ʋlla iskitini ak o̱ chiyuhmit Chihowa apehlichika ya̱ aiokpʋchi ho̱ keyukmʋt, yʋmmak oka chukowa he keyu hoke, im achi tok.

Yohmi kia ti̱kba yatuk ʋt ont ishtaiyopa hi ʋt la̱wakma, anonti ishtaiyopi atuk ʋt ti̱kba ya hi ʋt lauʋt a̱sha hi oke, achi tok.

Amba nan oklu̱ha toba ʋmmona ka Chihowa hʋt nakni, tek ita tuklo ho̱ ikbi tok. Ilʋppa pulla hatuk mak o̱ hatak ʋt i̱ki, micha ishki aiena ka issa cha, tekchi ak o̱ asitia hi oke. Yohmikmʋt tuklo yʋmmak atuk ʋt haknip achʋfa hi oke. Yohmi ha mʋt i̱ himmakma tuklo mak a hi o̱ keyu, amba haknip achʋfa hoke.