Popular Bible Verses from Mak 9

Share

Mihma Chisʋs ash osh chi yimma hinla hok ma, na‐yimmi hokʋno nan oklu̱ha kʋt ai i̱ yʋmohma hinla hoke, im achi tok.

Mihma ʋlla ya̱ i̱ki yash ot mih makinli no̱ nishkin okchi mihinti hosh chitolit, Chitokaka ma! sai yimmishke; nan‐isht ik a sai yimmo ya̱ is sʋm apelʋchashke, achi tok.

Atuk o̱ aboha ont chukowa ma, nan im ai ithʋna ʋhleha hash ot ilap banot im a ponaklot, Na katihmi ho̱ pishno ʋto yʋmma e kohcha he keyu ke tuk oh cho? achi tok. Mihma, Ilʋppa chohmi kʋt nana ho̱ isht kohcha hi ʋt iksho, amba ʋba pit anumpuli, micha na‐hullochi aiena hok mak bano hoke.

Hʋpi ʋt achukma; yohmi kia hʋpi ʋt homi kʋt i̱ kʋnia hokma, nanta hak o̱ isht hʋsh homincha hinla cho? Hʋpi a̱ hʋchishno inli il anit hʋsh ieshikmʋt, hʋchishno bi̱ka ma hʋsh it i̱ nanaiya achukmashke, achi tok.

Kʋna hosh sa hohchifo pulla hatuk mak o̱ ʋlla ilʋppa chohmi achʋfona ka holitoblikmʋt, ʋno ak o̱ sa holitobli hoke: mikma kʋna hosh ʋno a̱ sa holitoblik mʋt, ʋno ak o̱ sa holitobli ho̱ keyu, amba auet sa kanchi tok ak oke, im achi tok.

Klaist a̱ immi hʋchia hoka, kʋna kia oka kapʋssa isht‐ishko achʋfa ka hʋsh ishka chi̱ ho̱, ʋno sa hohchifo pulla hatuk mak o̱ hʋch ipeta hokmʋt, isht ʋlhtoba ka i̱ hlakofa he keyu, a̱hli mak o̱ hʋch im achi lishke.

Micha kʋna hosh a̱ yimmi ʋhleha chipunta ilʋppa achʋfona ma ibetʋblichi hokmʋt, ilapa ak o̱ tanchi botoli tʋli ak osh ikunla ya̱ a takanli ho̱ okhʋta ha̱ oka kʋnia hokmak osh, im ʋlhpesa he tuk mak a hi oke.

Mikmʋt chi nishkin ʋt chi ibetʋblichi hokma, kohchit ish kanchashke: nishkin achʋfa yosh Chihowa apehlichika ya̱ ont ish chukowa hok mak osh chim ʋlhpesa kʋt, chi nishkin ʋt tu̱klo hosh aiokpuloka luak a̱ chi itʋtula hi a̱ chim i̱ shahli hoke.