Popular Bible Verses from Mak 11

Share

Yohmi hoka ʋba pit hʋsh anumpulikmʋt, hʋsh asilhha kʋt hʋsh isha hi ʋt hʋchi yimmashke, yohmik mak osh hʋchim aia̱hla hi oke.

A̱hli pulla ho̱ hʋchim achi lishke, Kʋna kia nʋnih chaha ilʋppa, Kanʋllit, okhʋta hak o̱ pit ish okʋtulashke; im achi cha, chu̱kʋsh mʋt anuktuklochi ik im iksho, amba nana ho̱ miha tuk ʋt ont aia̱hla hi a̱ yimmi hokmʋt, im aia̱hla hi oke.

Micha ʋba pit anumpulit hʋsh hikiakmʋt, nana a hʋchi̱ kaniohmi tuk a̱shakma, hʋsh i̱ kashofashke: yohmi na hʋchishno na hʋchim aiashʋchika puta ka I̱ki ʋba binili kʋt hʋchi̱ kashofi makinlashke.

Mihma Chisʋs ʋt afalaminchi mʋt, Chihowa ak o̱ hʋsh i̱ yimmashke.

Mihmʋt nan im abʋchit, Ʋm aboha ya̱ oklushi moma kʋt ʋba pit ai anumpuli chuka hochifa hi oke, achi hosh holisso ho̱ keyu̱? yohmi kia hʋchishno yokʋto na hu̱kopa ʋhleha in chuka yo̱ ish ikbishke, achi tok.

Mihma tikba ilhkoli, micha pit iakaiya aiena tuk ʋt, chitoli hosh, Hosanna, Chitokaka i̱ hohchifo il ai eshi hosh minti kʋt holitopa mak oke.

Pi̱ki Lewi apehlichi ʋt Chitokaka i̱ hohchifo il ai eshi hosh aya kʋt, holitopashke; shutik tʋbokaka fehna, Hosanna ai ahanchashke, achi tok.