Popular Bible Verses from Luk 17

Share

Wù nèn sùúy e wìr və̀y jii, «Lò é yuv, a dù du yée. À bònén ne, bìʼ fo à wayin shilív e mǒ wùn.»

A wìr fə̀m jày e wò kàŋ saàmbà kishiíy kimòʼón, jáy bèy, wù kù yòʼ wìy, a tunrí jay və, à kù làysìn kinyo kee shooy.»

Á yén bey, wo mòʼón nèn a kfən fo Jesus wùn, a yòv, a taŋ, a sùyrì Nyùy kitávín. Wù meé fó, e tsə̀m e Jesus si, a beèrì wun. A wìr və̀n‑eè dzə̀ wír woó *Samaria.

«Vèn wáa yen rì fó a jay vinyo. A fər wìr jày kinyo, wù wàa tir tirín. Wù biíme jay və, wù làysìn kinyo kee shooy.

Jesus wáa ghay jii, «Bó m yòʼ kì fèr wír e ghvə̀m à? Vee bvə̀ʼə̀ə bèé?

Taàtá Jesus bìnèr jii, «Ŋgoòy shishùr ŋeèrí feyì, a yensín shishàr. A vèn bèn kì wày shilív e Nyùy wùn shishàr bèy, bo dzə̀ vèn kù sùúy e kicí kin ki jii, ‹Mènèn fó fèn, e dù, e tìím a dzə̀ é rìbà ndzə̀v›, kí kù nèn meènè mo vèn suuyin.

Wìr wo wù bávti kitú kfə́ ji fo wun kpú, kù wíy kpu. Wìr wo wù maʼàyì, ŋgaàŋ wíy shaàrì.

Jesus wáa suúy e wón və́ lìme jii, «Vinyo ve ví lévti wíri, aá jáy dzə́ə ví yòʼ wíy a buŋ e ghan símóʼ sí gheéy. Yii bèy, lòné dzə̀ wó ŋgaàŋ wo wù lévti wír, wù jày dzə́ə. Kí bòŋ ji bo á kì sə̀ə́y tíy kiban e ŋgaàŋ kilòŋ, e dòm e ndzəv, e shaà fo wù wáa dzə sho, e yiì, é wìr fo vin ve á biíme Nyùy moo wón ve terií jáy dzə́ə.

A wù wíy lòo wìy, é wíri wáa dzə réŋréŋ mo vé‑eè dzə́ e Noa ghan. Á kù‑uù dzə́, yíkirì, nó vifá, juur wón, a vilum wáy e lav, e dù, e meé e kishiíy ke Noa‑aà nəən é kikoŋ. Ndzə́ví nèn wìy, e lèér áwune, á lày adzə̀m.