Popular Bible Verses from Luk 18

Share

Jesus kfə́n a fèr ŋgàn yìmòʼ e wón və́ lìme ji wun fíʼ yeʼéy áwune mo dzə̀ á wàa bùnrì Nyùy ghán sidzə̀m, e làa yòʼ a dor.

Mo wù‑uù səən wiíy və̀y, bo bó Nyùy yòʼ wíy sə sa və́ vee wír ve wù‑uù shoʼon, aá tóŋ fo wun e shùy, tóŋ vitsə́ʼ ji wù sə́ áwune a? A dzə̀ wù kfə̀n a siʼsíʼ à? Vèn wáa kiíy jii, Nyùy kù yíi bìn nsaʼ yev, e sə áwune, a bó yòʼ dzə̀ wù wàa ghvəə. Yii bèy, ŋgaà wo yírí dzəə̀n Wanwìr kù yòʼ wíy lòo kfən, é wù yén wír ve á wáy shilív e wun woo Nyùy wùn á?»

Jesus bìnèr jii, «Kinyo ke kí gháʼ wíri kí dzə̀ kù yiì Nyùy.»

Ŋgaà saʼ və̀y tén, wù kú a dù duùn. Kí gháʼ, wù suúy jii, ‹Mo bó m yòʼ fə̀m fan Nyùy, a bó m yòʼ yii kér dzə̀rkìtu fo wìr, yii bèy, mo wiíy ŋkfə və̀n kù sí jívir mo ben, bo mo‑óò bin nsaʼ rə, e sə̀ wun. A m yàr, bo wù kù yíi a wìy bèn, é m yiì mày e wo wo.› »

M suuy e vèn rú jii, a wìr dzə̀ là fóo biimé sáʼ Nyùy moo wánlè wo terí, la wù yòʼ wìy nə̀ə́ sho.»

Jesus ku jàŋ wír vìy ji á wiy á sho, e sùúy e wón və́ lìme jii, «Vèn maʼti, é wón ve terií wáa wìy, a yen mo. Lá vèn yòʼ a shèm, bìʼ fo wír ve á wíy nəə́ e vijùŋ ve dzəə̀n vé saʼ Nyùyi kù dzə̀ vee moo wón vin.

Jesus nèn sùúy sho jii, «Kú a yen virə́ʼ ví. Mo à wayin shilív e mǒ wùn, sí yée mvə̀ʼə̀m ne.»

Jesus dzə́r shó jii, «À yoŋ mo ji wír wo juŋ bìʼ ka? Wìr wo juŋ yòʼ dzə̀, kù jòʼsì Nyùy wùn mòʼón.