Popular Bible Verses from Luk 16

Share

Wìr wo wù leey fo shifarìn kijuŋ, kù dzə̀ wù lèéy sá fo ke kuʼùn kí. Wo wù leey fo shifarìn, lóʼ ŋgaà kifa, kù dzə̀ sá mo dzə̀ wù lòʼ e ke kuʼùn kí.

A bó yòʼ dzə̀ wìr wàa lìm atàr abaà. A wù lò, a lìm, bo wù yíi a bàn wùmòʼ, a kòŋ wùmòʼ, a yu kinyo ke wùmòʼ, a kay wùmòʼ. Bó yòʼ dzə̀ vèn wàa lìm fo Nyùy, e kfə̀n a lìm fo mbàm si.»

A vèn dzə̀ là fó a leéy fo mbàm kijuŋ mo fə̀m dzəə̀n kifá ke kí lo, kí lìm vinyo ve bi ví, aá kfən wìy fò ven bùʼ woo rú é le? A vèn dzə̀ là fó a leéy fo wìr kifa kijuŋ, wìr kfə̀n lì kímóʼ kí, a fo ji kén é le?

Abraham bínér shó jii, ‹Aáwune tèn fó yuurí kinyo ke Mooser wùn à ké *aŋgàa ntum Nyùy ki, bo bó yòʼ dzə̀ áwune yuùrí sá ké wìr wo wù kpuun, e bóo kfən.› »

«A kí dzə̀ jii, a wìr fə̀ə́r wiíy və, e lì wo sən, bo wù yiì kinyo ke bi kí e wiiy və réŋréŋ mo wù jàŋ wo jaŋèn. Wìr wáy wiíy wo á fəərin é lav, bo ŋgaàŋ lì sa a dzə̀ wiiy wìr.»